کرونا ویروس مارچ آیی‌ده اروپاده رواجلنگن بیرچاغده، بوتون اروپالیک‌لرنی قورقیتیب و خواطرگه سالدی، بیراق صابره نینگ خواطری ایکی برابر بولدی. کرونا ویروس گه چلینیش و آلمان دن زورلب بیرینچی بار باش‌پناه‌لیک سوره‌گن سویدن مملکتی گه سورگون ایتیلیش خواطری ایدی.
سویدن محکمه‌سی صابره نینگ باش‌پناه‌لیک ایسته‌گینی قانیقرلی بیلمه‌ی و اونی ایکینچی مرته رد قیلگن. صابره افغانستان گه سورگون ایتیلیش خطری گه دوچ کیلگن، بیراق سویدن دن یاشیرین شکلده آلمان کیتگن و آلمان نینگ فدرال ایالت‌لریدن بیری ده باش‌پناه‌لیک سوره‌گن. اونچه‌لیک وقت اوتمه‌ی فدرال ایالتی نینگ محکمه‌سی هم صابره نینگ ایسته‌گینی سویدن ده میزبان بولگنی اوچون رد قیلیب و آلمان نینگ توپراغی‌نی ترک ایتیب ینه سویدن کیتیشی گه بویروغ بیرگن.
صابره محکمه حکمی گه اعتراض آلتی آی نی پولیس نینگ کوزیدن اوزاق دوست‌لری و یقین‌لری نینگ اویی ده اوتکزگن. دابلین قانونی اساسیده، میزبان مملکت آلتی آی جریانیده باش‌پناه ایزلاوچی‌نی بیرینچی مرته پاش‌پناه‌لیک سوره‌گن مملکت گه قیتره آلمه‌گن صورتده، بیرینچی مرته باش‌پناه‌لیک طلب قیلینگن مملکت باش‌پناه ایزلاوچی‌نی قبول قیلمه‌یدی، لیکن قانیقرلی دلیلی بولیشی کیره‌ک. بیراق باش‌پناه ایزلاوچی ساغلیک قیین‌چیلیگی بولمه‌ی و قانیقرلی دلیل‌سیز پولیس دن قاچیب و اوزینی یاشیرگن صورتده، بو مهلت 18 آی گه چوزیله‌دی. صابره بو قانون نینگ یالغیز بیرینچی بندرینی بیلر ایکن. اونینگ ایتیشیچه: «آلتی آیدن سونگ ینه مراجعت قیلگنیم‌ده ینه هم مینی سویدن گه یوباریشی‌نی بیلمس ایدیم. قیته‌دن کمپ گه باش اوریب و توریش ورقی‌گه قیته تیکلشنی ایسته‌گنیم پیت‌ده، اصلی ورق نی آلیب و جایی گه باشقه ورق بیریشدی. ینگی ورق یوزی گه قیزیل تارتیلگن ایدی و معناسی شو ایدی کیم، کیله‌سی بیر آی گچه سویس قصدی گه آلمان نی ترک قیلیشیم کیره‌ک ایدی و بونده‌ی بولمه‌گن صورتده، زورلب سورگون ایتردی.
صابره بو خواطرنی قورقینچ بیلن ایزلردی و کوتیلمه‌گن حالده، بختی آچیلدی و آلمان ایچکی ایشلر وزیرلیگی، دابلین قانونی و باش‌پناه ایزلاوچی‌لرنی اروپایی مملکت‌لرگه سورگون ایتیشی‌نی کرونا ویروس رواجلنگنی باعث، توخته‌تیب قویدی. بو خبر ایسه صابره و باشقه سورگون ایتیلیش خطری گه دوچ کیلیب تورگن پاش‌پناه ایزلاوچی‌لرگه امید ایشیگی ایدی.
صابره ییل‌لردن آلدین افغانستان نینگ فاریاب ولایتیدن ایران کیتگن و نیچه وقت دن کیین ناقانونی شکلده سویدن گه کیریب و باش‌پناه‌لیک سوره‌گن. او، اوزون مدت نی سویدن ده اوتکزیب محکمه حکمی‌نی کوتگن، بیراق هیچ قچان بو ایش گه مؤفق بولمه‌گن. او، حقوقی قیین‌چیلیک باعث، کیم‌لیگی و آتی بو گزارش‌ده کیلیشی‌نی ایستمه‌گن و بیزلر اونگه «صابره» آتی‌نی تنله‌دیک.
گزارشلر و جاری وضعیت گه قره‌گنده، کرونایی وضعیت شونده‌ی بیر شکلده آلمان ده دوام ایتگن صورتده، بو مملکت دابلین شرایطی اساسیده، مینگ‌لرچه باش‌پناه ایزلاوچی نینگ دوسیه‌سینی تیکشیریشی کیره‌ک. ینگی‌لیک‌ده اروپا بیرلیگی نینگ کمیسیونی، آلمان ایچکی ایشلر وزیرلیگی نینگ ایسته‌گینی قیتریب و دابلین شرایطی ده بولگن باش‌پناه ایزلاوچی‌لرنی رد قیلگن. اروپا بیرلیگی کمیسیونی نینگ ایتیشیچه: باش‌پناه ایزلاوچی‌لرنی میزبان مملکت گه انتقال بیریش تعیین ایتیلگن زمانیده بولمه‌گن صورتده، دابلین قانونی نینگ 29- ماده‌سی و 2- بندی اساسیده، میزبان مملکت اولرنینگ دوسیه‌سینی تیکشیریشی کیره‌ک. بونگه علاوه، کرونا ویروس دوریده دابلین قانونی اوستیگه تأثیر قوییش اوچون ینگی‌لیک ده هیچ بیر قانون پاس ایتیلمه‌گن. باشقه تاماندن، آلمان دولتی چیگره‌یی قاعده‌لرنی شدتلنتیرگن و چیگره‌لرده هم باش‌پناه ایزلاوچی‌لرنینگ ایسته‌گینی توخته‌تگن.
آلمان دولتی تامانیدن بیریلگن رقم اساسیده، یالغیز اوتگن ییل ده 40 مینگ‌دن آرتیق باش‌پناه ایزلاوچی دابلین شرایطی اساسیده، بو مملکت دن باش‌پناه‌لیک سوره‌گن. بو آره‌دن 29 مینگ دن آرتیق کیشی نینگ ایسته‌گی قبول قیلینگن و قالگنی میزبان مملکت‌لرگه قیتریلگن.
