کرونا ویروسی خصوصیده خواطرلر کوپه‌یگن بیرحالده، ننگرهار ولایتی نینگ مطبوعاتی دفتری جلال‌آباد شهریده چیکلاو تعیین قیلینگنی‌دن خبر بیرگن.
ننگرهار ولایتی نینگ مطبوعاتی دفتری تامانیدن نشر قیلینگن اعلامیه‌ده ایتیلیشیچه، تعیین‌لنگن چیکلاو بوگون "جمعه" ساعت 5 دن سونگ باشلنه‌دی.
اعلامیه‌ده کوپه‌یتیریلیشیچه، کابل، کنر و لغمان ولایتلریده باریش خصوصیده هم چیکلاو تعیین قیلینگن. اعلامیه‌گه کوره، اوشبو ولایت یشاوچی‌لری یالغیز تومن‌لرده باره آله‌دی و جلال‌آباد شهریده کیریش اوچون هیچ‌کیم‌گه رخصت بیریلمه‌یدی.
شونینگدیک، 203 تندر قول اردو قومندانلیگی نینگ بیرخبرنامه آرقه‌لی اعلان قیلیشیچه، اوشبو قول اردوگه تیگیشلی بولگن بوتون قرارگاه‌لر قرنطین قیلینگن.
پکتیا یشاوچی‌لریدن ایکی ته‌سی کرونا ویروسی‌گه چلینگنی‌دن سونگ، 203 تندر قول اردو قومندانلیگی بو قرارنی آلگن.
کرونا ویروسی باعث، کابل، هرات، فراه و غزنی ولایتلریده کونده‌لیک یورش چیکلاو تعیین قیلینگن.
کرونا ویروسی بیرینچی مرته چین مملکت نینگ واهان شهریده چیقیب و اوندن سونگ، دنیا کوپ قطار مملکت‌لریده سرایت قیلگن و کوپ‌قطار انسان‌لرنینگ جانی‌نی آلگن.
افغانستان بوییچه ساغلیق‌نی سقلش وزیرلیگی نینگ اعلان قیلیشیچه، حاضرگه‌قدر 273 کیشی کرونا ویروسی‌گه چلینگن و بو جمله‌دن 6 ته‌سی هلاک ایتیلیب و باشقه 10 درمان‌لنگن دیر.
ساغلیق‌نی سقلش وزیرلیگی نینگ مسوول‌لری، افغانستان یشاوچی‌لریدن کرونا ویروسی‌گه توسیق بولیش اوچون اویلریده قالیش‌لرینی سوره‌گن.
