لوگر ولایت امنیتی رسمیلرینینگ ایتیشیچه، مملکت سابق جمهور رییسی حامدکرزی تمانیدن، حربی کوچلر آرقهلی هجومگه آلینیشی توغریسیده رخصت بیریلمهگن جنگریلرنی تربیه لاووچی مرکزی ینگیلیکده، بیر عملیاتده نابود ایتیلدی.
شونینگدیک، لوگر ولایت استخباراتی و حربی رسمیلرینینگ ایتیشیچه، طالبلرنینگ اوشبو تربیه لاووچی مرکزی لوگر ولایتی محمدآغه تومنی زرغون شهری اطرافیده بولیب، اوتکن 13 ییلده حامدکرزی بویروغی اساس یاشیرین قالگن ایکن.
اوشبو ولایت پولیس قومندانی محمد داوود احمدینینگ سلاموطندارگه ایتیشیچه، سابق جمهور رییس حامدکرزی نامعلوم دلیللر بیلن لوگرده امنیتی کوچلرگه باشکینت کابل یقینیده جایلشگن طالبلرنی اوشبو تربیه لاووچی مرکزی اوستیگه عملیات قیلمسلیککه بویروغ بیرگن ایکن.
اونگه کوره، سابق جمهور رییس، مذکور ولایتنی امنیتی ادارهلری، اینیقسه 303 حربیگه زرغون شهری منطقهسیده عملیات قیلمسلیگی اوستیگه تاکید قیلگن.
جناب احمدینینگ ایتیشیچه، اوشبو مرکز اوتکن 13 ییلده جودههم کوچلی بولیب لوگرگه قوشیمچه، کابل شهرینی هم تهدیدگه روپهره قیلگن.
احمدیگه کوره، زرغون شهریدهگی تربیه لاووچی مرکز، طالبلرنینگ خطرلی مرکزلریدن بیری سنهلیب، اوندن بوزغونچیلیک، پارتلش، خودکش و یول یانیده ییرلشتیریلهدیگن ماین اوچون ایش آلینهدی ایکن.
لوگر پولیس قومندانینینگ ایتیشیچه، اولر جمهور رییس غنینینگ بویروغی اساسیده، طالبلرنی اوشبو تربیه لاووچی مرکزی اوستیگه عملیات اوتکزگن، نتیجه ده 27 طالب هلاک بولیب و باشقه 35 تهسی یرهلنگن.
اونگه کوره، اوشبو مرکزدن پارتلاوچی مادهدن توله بولگن 8 موتر، اون میل آغیر و یینگیل قورال قولگه کیریتهدی و شونینگدیک باشقه بیرقطار کیشیلرنی توتقونگه آلینگن.
بیراق محمدآغه تومنی زرغون شهری یشاوچیلرینینگ ایتیشیچه، امنیتی کوچلر بیلن طالبلر اورتهسیده کونده بو منطقهده توقنه شوو یوزبیرهدی، لیکن اوتکن 13 ییلدن بویان بو منطقهده عملیات یولگه قوییلمهگن.
اولر افغانستان حکومتیدن، عملیات اوتکزگنیدن کیین، اوشبو منطقه امنیتینی تأمینلش اوچون، امنیتی پوسته قوریشینی سورهدی.
ملی امنیت سوزلاوچیسی عبدالحسیب صدیقی، نامعلوم دلیل باعث، بو توغریده معلومات بیرمهگن.
جمهور رییس سوزلاوچیسی اورین باسری سیدظفر هاشمی، سیلاموطندار بیلن اوتکزگن صحبتیده، بو موضوعنی آچیقلمهگن، بیراق ایتیشیچه، افغان امنیتی کوچلری تمانیدن یولگه قوییلگن عملیاتلر مملکت جمهور رییسی و ملی امنیت کینگشی اویغورلیگیده یولگه قوییلهدی.
شونینگدیک ایچکی ایشلر وزیرلیگی سوزلاوچیسینینگ اورین باسری نجیب الله دانش، موضوع حساس لیگی باعث، معلومات بیریش خصوصیده وقت آلگن، بیراق سلاموطندار تکرار تلیفون علاقه قوریب جناب دانشنینگ نظرینی قولگه کیریتهآلمهگن.
انه شوندهی، ایچکی ایشلر وزیرلیگی سوزلاوچیسی، سوراقنی ایشیتگنیدن کیین، تلیفونینی کیسگن.
باشقه تاماندن، طالبلر سوزلاوچیسی ذبیحالله مجاهدنینگ ایتیشیچه، زرغونده یوزبیرگن توقنهشووده اوشبو گروه جنگریلریدن یالغیز تورت کیشی هلاک بولگن و اونینگ ادعا قیلیشیچه، بیر توقنهشووده 12 حربی عسکر هلاک بولگن، شونینگدیک 4 عراده حربی تانک قولگه کیریتکنلر.
لوگر ولایتی محمدآغه تومنی زرغون شهری، کابل ولایتینینگ 35 کیلومترلیگیده جایلشگن. بوندن آلدین کمیده 5 مینگ عایله بو منطقهده یشهیدی ایکن، بیراق ایتیلیشیچه، سونگی ناتینچلیکلر و توقنهشوولر باعث، ایکی مینگدن آرتیق عایله بو منطقهنی ترک ایتکن.
