بوگون (شنبه) هرات ولایتی نینگ ولایت کینگشی باشلیغی کامران علیزایی خبر بیر ییغین‌ده ولایت والیسی‌نی مدریت‌سیزلیککه عیبلهدی. علیزایی ولایت نینگ کوپینچه تومنلری نابرقرار دیدی. اونینگ ایتیشیچه، محلی حکومت نینگ مدیریت‌سیزلیگی سبب اهالی دوسیه‌لری حل ایتیلیشی اوچون طالبان‌گه یوزلنه‌دی.
جناب علیزایی، هرات حربی کینگشی ایکی ییل‌دن بیری هیچ بیر معیین برنامه گه ایگه ایمس لیگنی تیلگه آله‌دی. شونینگ اوچون قوراللی طالبلرنی نابود قیلیش جریانی هرات‌ده توختب قالگن دیدی او.
شونینگدیک علیزایی، هرات ولایتی نینگ والیسی شخصی منفعتلریگه ایریشیش اوچون اهالی نی بیر- بیراوی بیلن تشله‌گن لیگینی اظهار قیلگن. او: « ولایت والیسی نینگ امضاسی دولت نینگ بعضی اداره‌لریده ارزشینی» قولدن بیرگن دیدی.
عین حالده، هرات ولایت کینگیشی نینگ باشلیغی قولگه کیریتگن حجتلریده اداری فساد، قومگرالیک، کفایت‌سیزلیک اوجی‌گه ییتگنی معلوم بوله‌دی. بو حجتلرنی تیز آره ده فاش قیلشی باره‌سیده آگاهلنتیرگن علیزایی.
هرات ولایتی نینگ والیسی ممحمد آصف رحیمی، ایش‌سیزلیک، قومگرالیک ولایت نینگ کوپینچه تومنلریده‌گی نابرقرارلیکلرنی رد قیلیب، هرات محلی اداره‌سی نینگ ایشلری اساسی قانونگه مطابق آلغه آلیب باریله‌دی.
ولایت والسی جناب علیزایی نینگ سوزلر اساس‌سیز دیگن. ولایت‌ده‌گی بوتون قوملر دولت اداره‌لریده بیر سانده ایش بیلن شغللنه‌دیلر دیگن او.
کامران علیزایی، بوندن نیچه کون آلدین اوتکزیلگن محکمه‌ده اوز لوازمی سوء استعمال قیلگن لیک عیبی بیلن 8 آی حبس‌گه محکوم بولگن بیر پیت‌ده بوقبیل سوزلرنی تیلگه آلماقده. استیناف محکمه‌سی نینگ قراریگه کوره، جناب علیزایی تمیز محکمه‌سی قراری اعلان بولگنونگه قدر علیزایی 500 مینگ دالر ضمانت بیریب آزاد بولگن.
