څو شېبې مخکې چاودنو د کابل کارته سخي سیمه ولړزوله. د عامې روغتیا وزارت وايي، په یادو چاودنو کې ۶ کسان وژل شوي او ۲۳ نور ټپیان دي.
ویل کېږي امنیتي ځواکونو په یاده سیمه کې د خلکو پر تګراتګ محدودیت لګولی دی.
کارته سخي سیمه د کابل ښار په لویدیځه برخه کې یوه هغه سیمه ده چې ګڼشمېر خلک د نو روز د نمانځنې په موخه ورځي.
تېر کال هم په یاده سیمه کې چاودنه شوې وه چې له کبله یې لسګونو کسانو ته مرګژوبله واوښته.
