ولسي جرګې د نوې افغان کابینې ۷ نوماند وزېرانو او د ملي امنیت لوی رییس ته د باور رایه ورکړه.
د ولسي جرګې دچهار شنبې ورځې (دسلواغې ۸مه) عمومي غونډه کې ۱۸ نوماند وزیرانو او د ملی امنیت لوی رییس ته د رایې اچونی په ترڅ کې ۷ نوماند وزېرانو او ملي امنیت ته نوماند لوی رییس د تاييد رایې ترلاسه کړې او خپلو څوکیو ته بريالي شول.
د ملي وحدت د حکومت له لوري ولسي جرګې ته د ور معرفي شوې کابینې ۱۸ نوماند وزیرانو ته د باور رايې په برخه کې ۱۰تنه نوماند وزیران خپلو څوکیو ته بريالی نه شول. د ولسي جرګې د چهار شنې ورځې عمومي غونډه کې ټول ۲۳۴ استازي حاضر و،چې پنځوس جمع يو يې ۱۲۲ رايې کېږي او دا د نوماندا وزیر لپاره د بریا حداقل اندازه ګڼل کېدله.
د ولسي جرګې غړو د عامې روغتیا وزارت ته نوماند فیروزالدین فیروز ته ۱۷۰ تایید، ۵۴ رد، ۱۲سپینې او ۴ باطلې رایې وکارولې. په همدې توګه د ارشاد حج او اوقافو وزارت ته نوماند فیض محمد عثماني ۱۶۰تایید، ۶۱ رد، ۱۷ سپینې او ۵ باطلې رایې ترلاسه کړې دي، چې دواړه خپلو څوکیو ته بريالي اعلان شول.
په همدې توګه د ملي امنیت لوی ریاست ته نوماند رحمت الله نبیل ۱۵۴ تایید، ۵۸ رد، ۲۲ سپینو او ۹ باطلو رایو، د بهرنیوچارو وزارت ته نوماند صلاح الدین رباني د ۱۵۱ تایید، ۷۰ رد، ۱۲ سپینو او ۹ باطلو رایو، د کانونو او پترولیم وزارت ته نوماند داودشاه سبا د ۱۴۶ تایید، ۷۴ رد،۱۳ سپینو او ۱۰ باطلو رایو او د کلیو پراختیا وزارت ته نوماند نصیراحمد دراني د ۱۴۵ تایید، ۷۱ رد، ۱۹سپینو او ۵ باطلو رایو په تر لاسه کولو خپلو څوکیو ته بريالي شول.
پر دې سربېره د کډوالو او راستنییدونکو چارو وزارت ته نوماند سیدحسین عالمی بلخي ۱۳۴ تایید، ۸۷ رد، ۱۷ سپینې او ۵ باطلې رایې، د کورنیوچارو وزارت ته نوماند نورالحق علومي، ۱۳۱ تایید، ۹۱ رد، ۱۵سپینې او ۶ باطلې او مالیې وزارت ته نوماند اکلیل حکیمي ۱۲۸ تایید، ۸۶ رد، ۲۱ سپینې او ۸ باطلې رایې تر لاسه کړې دي، چې په دې توګه د نومول شویو وزارتونو لپاره بريالي اعلان شول.
خو د ولسي جرګې دچهار شنبې ورځې (دسلواغې ۸مه) غونډه کې د ملي دفاع وزارت ته نوماند شیرمحمد کریمي د ۹۶ تایید، ۱۱۲ رد، ۲۶ سپینو او ۷ باطلو، د پوهنې وزارت ته نوماند محمدګل زلمی یونسي ۹۰ تایید، ۱۲۳ رد، ۲۱ سپینو او ۹ باطلو،د لوړو زده کړو وزارت ته نوماندې خاطره افغان ۷۱ تایید، ۱۴۶ رد، ۲۱سپینو او ۳ باطلو، د مخابراتو او مالوماتي تکنالوژی وزارت ته نوماند برنا کریمي ۱۱۵ تایید، ۹۷ رد، ۲۶ سپینو او ۵ باطلو، د قومونو او قباییلو چارو وزارت ته نوماند قمرالدین شینواري ۱۰۲ تایید، ۱۱۲ رد، ۲۲ سپينو او ۷ باطلو، د ټول ګټو وزارت ته نوماند عباس بصیر ۸۵ تایید، ۱۳۱ رد، ۱۹ سپینو او ۸ باطلو، د سوداګرۍ او صنایعو وزارت ته نوماند سردارمحمد رحیمي د ۱۱۱ تایید، ۱۰۲ رد، ۱۷ سپینو او ۵ باطلو، د اقتصاد وزارت ته نوماند سردارمحمد رحمن اوغلو ۱۰۴ تایید، ۱۰۳ رد، ۲۷ سپینو او ۹ باطلو، د انرژي او اوبو وزارت ته نوماند عبدالرحمن صلاحي د ۱۰۶ تایید، ۱۰۹ رد، ۲۴ سپینو او ۴ باطلو، د ترانسپورت وزارت ته نوماند فیض الله ذکي ۸۱ تایید، ۱۳۳ رد، ۲۵ سپینو او ۴ باطلو رايو په تر لاسه کولو سره ونه شوای کولای چې خپلو څوکیو ته بريالي شي.
د ولسي جرګې مشر عبدالروف ابراهيمي بريالیو وزیرانو او د ملي امنیت رییس ته د بريا مبارکي وویله او په چارو کې يې ورته د بريالیتوب هیله وکړه.
افغان ولسمشر محمد اشرف غني، د خپل حکومت په ۱۰۶ ولسي جرګې ته ۲۵ نوماند وزیران او دوه لوی رییسان ور وپېژندل، چې له دې ډلې يې ۵ تنه ولسي جرګې د دوه ګوني تابعیت له امله رد کړل او اجازه یې ورنه کړه چې وکېلانو ته خپل کاري پروګرامونه وړاندې کړي.
پر همدې بنسټ د ولسمشر دویم مرستیال سروردانش تېره ورځ (دسلواغې ۷مه)عبدالباري جهاني د اطلاعاتو او فرهنګ نوماند وزیر او نجیب اقا فهیم د عدلیي نوماند وزیر په توګه ولسي جرګی ته معرفي کړل.
