.jpg)
کابل اطرافیده‌گی تپه‌لردن بیری گه چیقیب یوقاریدن قویی گه تامان قره‌گنینگیزده، هوا دغل‌لیگی‌نی کوریب و بو هوا ده قنده‌ی تیریک یورگنینگیز اوچون فکرینگیزده سوراق توغیله‌دی. بیراق، بوتون کابل دود و دغل هوا بیلن قاپلنگن ایمس، قرغه و پغمان تامان باش اورگنینگیزده بونی یخشی بیله‌سیز.
شو کیچه کونده حکومت باشکینت‌ده حد دن تشقری هوا دغل‌لیگی آلدی آلینیشی اوچون آغاچ ایکیب و یشیل منطقه توزه‌تیش اوچون سعی و حرکت قیله‌دی. اهالی‌نینگ یاشیرین دوشمنی بولگن اوشبو قیین‌چیلیک‌که قرشی کوره‌ش اوچون حکومت‌نینگ فعالیت‌لری قنده‌یلیگی گه جواب تاپیش اوچون هوا دغل‌لیگی آلدی آلینیشی اوچون تطبیق ایتیله‌دیگن برنامه‌لر جایی گه تامان یول آلدیم. تأسف بیلن اهالی بو برنامه قنده‌ی بیر شکلده تطبیق ایتیلیشی‌دن خبر سیز، لیکن خرسند کورینه‌دیلر.
اولرگه کوره، ایکینچیلیک وزیرلیگی مذکور برنامه ریجه‌سینی تطبیق قیله‌دی؛ توخته‌مس‌دن ایکینچیلیک وزیرلیگی‌گه تامان یول آلدیم و اوشبو وزیرلیک‌نینگ طبیعی منبع‌لر ریاستی عمومی باشلیغی‌نی ایزله‌دیم.
محمدرفیع قاضی‌زاده نینگ ایش دفتریده تاپدیم، او جوده هم مشغول ایکن، بیراق اوزیم‌نینگ تانیشتیریشیم بیتمه‌ی ایش‌دن قول تارتدی و بیر میز اطرافیده صحبت‌گه باشله‌دیک.
اونینگ یخشی خبرلری بار ایدی. ایتیشیچه، باشکینت یشیل کمربندی اوچون 10 مینگ هکتار ییر نظرگه آلینگن و 10 ییل‌ده یشش محیط وضعیتی یخشی‌لنیشی و هوا دغل‌لیگی تازه‌لنیشی اوچون 40 میلیون دالر صرفلنه‌دی.
ایکینچیلیک وزیرلیگی طبیعی منبع‌لر ریاستی باشلیغی‌نینگ ایتیشیچه، حاضرگچه 1300 هکتار ییر یشیل کمربند ریجه‌سیگه شامل بولگن و اوشبو ریجه‌دن مقصد، باشکینت‌ده هوا دغل‌لیگی‌گه قرشی کوره‌ش دیر.
.jpg)
قاضی‌زاده نینگ ایتیشیچه، شیردروازه دن باشلب شهدای صالحین، بین‌حصار، خیرآباد تپه‌لری، چهارآسیاب و شونینگ‌دیک قرغه گچه 300 جریب‌دن آرتیق ییر مذکور ریجه گه اختصاص بیریلگن، عین حالده، قصبه، پلچرخی و شونینگ‌دیک کوه آسمایی باشکینت یشیل کمربند ریجه‌سیگه شامل بوله‌دی.
یشیل کمربندگه تیگیشلی منطقه‌لرده آغاچ ایکیله‌دی و تورت ییل ایکینچیلیک وزیرلیگی تامانیدن سقلنه‌دی و اوندن کیین کابل شهردارلیگی‌گه تاپشیریلیب و بو منطقه‌لر سقله نیشی اوچون شهری جمغرمه‌لر تشکیل ایتیله‌دی.
ایکینچیلیک وزیرلیگی طبیعی منبع‌لر عمومی ریاستی باشلیغی گه کوره، کابل یشیل کمربند ریجه‌سی مینگدن آرتیق کیشی‌نی ایش بیلن تأمین‌له‌یدی.
باشکینت یشیل کمربند منطقه‌لری اوچون سوو کانال‌لری، برق و سقلاوچی دیوارلر نظرگه آلینگن.
ایکینچیلیک وزیرلیگی طبیعی منبع‌لر عمومی ریاستی باشلیغی‌نینگ ایتیشیچه، یشیل کمربند هرات و قندهار ولایت‌لریده هم تطبیق ایتیلیشی ممکن.
هوا دغل‌لیگی کونسایین آشه‌دیگن شهرلرنینگ یشاوچیلری گه بونده‌ی ریجه یخشی بیر خبر سنله‌دی، بیراق کابل یشاوچیلریدن بیرقطاری بیلن صحبت‌لشدیم و اولردن هیچ بیری‌نینگ بو ریجه‌دن خبری یوق ایکن و اولردن بیرقطاری‌نینگ ایتیشیچه، بیرینچی مرته یشیل کمربند آتی‌نی ایشیته‌دیلر.
باشکینت یشاوچیلریدن بیری بصیرنینگ ایتیشیچه، کابل یشیل کمربند ریجه‌سی کیله‌جک‌ده باشقه جمهور رییس‌لر کیلگنده اوزگریشی ممکن. اونینگ ایتیشیچه، هوا دغل‌لیگی کمه‌یتیریلیشی، اهالی ایش بیلن تأمین‌لنیشی و نیچه میلیونلیک بیر شهر اوچون یشیل فضا ایجاد ایتیلیشی‌گه 40 میلیون دالر اونچه‌لیک بودجه ایمس دیر.
اونگه کوره، اوتمیش‌لرگه قره‌گنده، حکومت سلامت‌لیک اوچون هیچ بیر اوزاق مدتلی برنامه‌نی آخریگه ییتکیزمه‌گن. اونینگ ایتیشیچه، مملکت‌ده اساسی ریجه‌لر تطبیق ایتیلیشی‌گه فساد توسیق بوله‌دی.
بصیرنینگ اورغولشیچه، دولت یشیل کمربند یانیده یشیل فضالر هم ایجاد قیلیشی کیره‌ک. اوشبو فضالرگه تفریحی ییرلر شامل بولیب و هوا دغل‌لیگی کمه‌ییشی گه ایجابی تأثیر قویه‌دی. باشکینت کابل‌نینگ اوشبو یشاوچیسی گه کوره، بو مسئله‌لرگه قوشیمچه، دولت نقلیه واسطه‌لر کمه‌ییشی و مناسب یانغین ماده‌لرنی نظرگه آلیشی لازم.
.jpg)
باشکینت یشاوچیلریدن باشقه بیری فرخ‌لقا احمدی‌نینگ اییتشیچه، بونده‌ی کمربند ریجه‌سی جوده هم یخشی دیر، لیکن بونده‌ی ریجه‌لر یالغیز سوزده و یا-ده کاغذ یوزیده قاله‌دی و هیچ قچان عمل‌گه آشیریلمه‌یدی.
خانم احمدی‌نینگ ایتیشیچه، دولت بونده‌ی برنامه‌لردن اهالی‌نی آگاه‌لنتیریش اوچون کوپراق سعی و حرکت قیلیب و اهالی یاردمی‌نی جلب قیلیشی کیره‌ک.
اونینگ کوپه‌یتیریشیچه، کَم بغل‌لیک و ایش‌سیزلیک یشاوچیلرنی امیدسیزلیک‌که دوچ قیلگن و حکومت بونده‌ی برنامه‌لر یانیده، یشاوچیلرگه امید بیریشی لازم.
احسان بیلن باشکینت‌نینگ ینگی شهریده اوچره‌شدیم. کابل یشیل کمربندی توغریسیده اونینگ ایتیشیچه، بو توغریده خبر سیز، لیکن حکومت یشیل محیط‌نی اوزگرتیریش‌گه قصد قیلگن بولسه، بو آلقیش‌گه سزوار دیر.
اونگه کوره، اوتمیش‌لرده هم بونده‌ی برنامه‌لر آچیلگن، لیکن هیچ بیری نتیجه بیرمه‌گن.
احسان‌نینگ کوپه‌یتیریشیچه، شو کیچه کونده هوا هر زماندن کوره دغل بولگن، اینیقسه ایرته و آقشام تامانیدن قولی‌لیک‌ده نفس آلیب بولمه‌یدی و هوا دغل‌لیگی اوز اوجی‌گه ییتیشگن.
کابل یشاوچیلری‌نینگ ایتیشیچه، شهردارلیک هر ییل موسوم باشلنگنیده آغاچ ایکیش و هوا دغل‌لیگی آزه‌ییشی اوچون قیله‌دیگن فعالیت‌لریدن خبر بیره‌دی، لیکن ییل اوتیشی‌ده هوا دغل‌لیگی‌نی میزانی آشه‌دی. عین حالده، احسان امید قیلیب ایتیشیچه، کابل یشیل کمربند ریجه‌سیده فساد و خیانت بولمه‌گن صورتده، کیله‌جک‌ده آچیق و تنیق فضا و یشیل محیط اوچون امید قیلیش کیره‌ک.
یشیل کمربند پروژه‌سی اوتگن ییل سوو و برق، شهر قوریش وزیرلیک‌لر و اراضی اداره‌سی همکارلیگی‌ده ایکینچیلیک وزیرلیگی تامانیدن رسمی شکلده باشلندی و آگاه‌لنتیریش بولیمی‌ده اورگه‌تیش و تربیه‌لش و مدنیت و معلومات وزیرلیگی همکارلیک قیله‌دیلر.
