کابل کې یوشمېر افغان چارواکیو «طبیعیت د اوبو لهپاره» تر نوم لاندې د اوبو نړیواله ورځ ونمانځله.
چارواکي هېواد کې د اوبو کموالي او ککړتیا په اړه اندېښنه ښيي او له هېوادوالو غواړي د اوبو مصرفولو کې جدي پام وکړي.
د اوبو او برېښنا وزیر علي احمد عثماني د اوبو په مدیریت ټینګار کوي وايي، د اقلیم بدلون او وچکالۍ له امله اوبه کمې شوي چې د څښاک او کرنې اوبو لګولو ته باید جدي پام وشي.
د اوبو او برېښنا وزیر نورو حوزو ته په پرتلې د شمال حوزې ستونزه جدي بولي.
د غونډې نورو برخوالو هم د اوبو ستونزو په اړه اندېښنې په ډاګه کړې.
د ولسمشر سلاکار حمید هلمندي د وچکالۍ او طبیعت کې د بدلون ستونزې ترڅنګ د داسې ټکنالوژۍ نهشتوالی چې هم د کرنې او هم د څښاک اوبو په لګولو کې کموالی راولي، بله لویه ننګونه بولي.
نوموړی د ځمکې لاندې اوبو پر وضعیت اندېښنه څرګنده کړه ویې ویل، له ځکمې لاندې اوبو څخه غیرمعیاري ګټه اخیستل لامل شوي چې دغه اوبه تراوسه په سمه توګه کنټرول نهشي.
د سترو، منځنیو او کوچنیو بندونو جوړول، د اوبو د قانون او مقررو تطبیق، د اوبو لهپاره ښه مدیریت، د لوړو زدهکړو تعلیمي نصاب کې د طبیعي حوزې او سیندونو شاملول، د خپلسره برمو وهلو بندول او داسې نور هغه وړاندیزونه دي چې د اوبو د نړیوالې ورځې په مناسبت جوړې شوې غونډې ګډونوال پرې ټینګار کوي.
