کابل پروسه‌سی ایکینچی ییغینی (جاری هفته چهارشنبه) کون، 28- فبروری ده، 25 مملکت و 3 خلق ارا تشکیلات اشتراکیده کابل‌ده یولگه قوییلیشی‌گه قرار قیلینگن.
تشقی ایشلر وزیرلیگی سوزلاوچیسی شکیب مستغنی‌نینگ ایتیشیچه، اوشبو ییغینده طالب‌لر بیلن قنده‌ی بیر شکلده تینچلیک قیلیش ریجه‌سی حکومت تامانیدن ارایه ایتیله‌دی. اوشبو ییغینده بحث‌گه آلینه‌دیگن اصلی مسئله‌لردن بیری ترورچیلیک‌که قرشی کوره‌ش دیر.
تشقی ایشلر وزیرلیگی سوزلاوچیسی گه کوره، کابل پروسه‌سی بیرینچی ییغینی یخشی نتیجه بیرگن و افغانستان حکومتی ترورچیلیک خطری توغریسیده اوز پیامی‌نی منطقه مملکت‌لری و دنیاگه ییتکیزگن. اوشبو موضوع سبب، کیله‌سی ییغینده اشتراکچی مملکت‌لردن کوپینچه‌سی تشقی ایشلر وزیرلیک اورین باسرلری سطحی‌ده نماینده یوباره‌دیلر. باشقه تاماندن ایکینچی ییغین گه اشتراک قیله‌دیگن مملکت‌لردن بیری قطر دیر و بو مملکت بیرینچی ییغین‌گه هیچ بیر نماینده یوبارگن یوق ایدی.
بیراق، سیاسی ایش بیلرمان وحید مژده نینگ ایشانچی‌گه کوره، کابل پروسه‌سینی بیرینچی ییغینی نتیجه بیرمه‌گن و ایکینچی دوری هم نتیجه‌سیز قاله‌دی. چونکه طالب‌لر افغانستان حکومتی‌نی کوچسیز و چیت ایللیک‌لرنی فرمانی‌گه دیب بیله‌دی.
سلام‌وطندارنینگ قولیگه توشگن معلومات اساسیده، کابل پروسه‌سی ایکینچی ییغینیده تاجیکستان، اوزبیکستان، ترکمنستان، قزاقستان، روسیه، چین، ایران، پاکستان، هند، ترکیه، سعودی عربستان، قطر، عرب بیرلشیک اماراتی، امریکا، بریتانیا، آلمان، فرانسه، ایتالیا، ناروی، سویدن، کانادا، جاپان، کوریا، و آسترالیا مملکت‌لری، اروپا بیرلیگی، ناتو و بیرلشگن ملت‌لر تشکیلاتی‌نینگ نماینده‌لری اشتراک قیله‌دی.
کابل پروسه‌سی بیرینچی ییغینی اوتگن میلادی ییل 6 جون، 24 مملکت و 3 خلق ارا تشکیلات‌نینگ اشتراکیده کابل‌ده یولگه قوییلگن ایدی. بو ییغینده افغانستان حکومتی ترورچیلرگه قرشی کوره‌ش و افغانستان حکومتی‌نینگ رهبرلیگی‌ده طالب‌لر بیلن تینچلیک قیلیش توغریسیده بحث اوتکزگن.
