افغانستان ملی امنیت ریاستی و پاکستان استخبارات اداره‌سی اورتهسیده قول قوییلگن کیلیشوو مملکت تینچ اهالی‌سی تنقیدلریگه دوچ کیلدی.
اوز نامی فاش ایتیلیشی‌نی ایستمه‌گن حکومت‌نینگ بلند مرتبه‌لی رسمیلریدن بیری نینگ سلام وطندارگه ایتیشیچه، اجراییه باشلیغی مذکور کیلیشوو عملی بولیشی‌گه قرشی دیر.
اوشبو رسمی‌نینگ کوپیتیریشیچه، ملی بیرلیک حکومتی اجراییه باشلیغی عبدالله عبدالله، بو کیلیشوون مملکت ملی منفعتی‌گه ایمس.
شونینگ‌دیک مملکت سابق جمهور رییسی حامدکرزی هم بو کیلیشووگه ناراضیلیک بیلدیریب، حکومت رهبرلریدن مذکور کیلیشوو تیزلیکده بیکار ایتیلیشی‌نی سوره‌دی.
بوندن آلدین حکومت تامانیدن نشر ایتیلگن گزارش‌لرده، کابل و اسلام آباد ارا قول قوییلگن کیلیشووگه اساساً افغانستان امنیتی کوچلری و پاکستان استخبارات اداری‌سی معلومات‌لر المشتیره‌دی.
ثور آیی نینگ 29- سیده ملی امنیت باشلیغی رحمت الله نبیل، پارلمان اولتیریشیده مذکور کیلیشووگه قول قوییلیشی خصوصیده ناراضیلیک بیلدیردی، بیراق اونینگ بو موضوعی افغانستان جمهورلیک سرایی‌نینگ ملی امنیت مصلحتچی‌سی حنیف اتمر تنقیدی گه روپه ره بولگن.
گزارشلرگه کوره، جناب اتمرنینگ اوشبو ییغین‌ده ایتیشیچه، ملی امنیت ریاستی نینگ برچه رسمیلری بو کیلیشوونی عمل‌گه آشیره‌دی.
شونینگ‌دیک ملی امنیت باشلیغی جناب اتمر سوزلریگه عکس‌العمل بیلدیریب، مذکور کیلیشوو ملی امنیت اداره‌سی اورین باسری آرقه‌لی قول قوییلگن عملی ایتیلیشی ممکن ایمس دیگن.
عین حالده افغانستان ملی امنیت سابق باشلیغی اسدالله خالد، اوشو موضوع گه قرشی‌لیک بیلدیریب، مذکور کیلیشووگه قول قوییلیشی اویتلی دیگن.
ملی امنیت سابق باشلیغ‌لریدن باشقه بیری امرالله صالح، اوشبو کیلیشوو دیورند شرط نامه سیدن کوره اهمیتلی دیگن. اونگه کوره، مذکور کیلیشوو پاکستان حکومتی اویقوسینی حقیقت‌گه اوزگرتیره‌دی.
افغانستان‌نینگ پارلمان نماینده‌لریدن بیرقطاری مذکور کیلیشووگه قول قوییلیشی‌نی اویتلی بیلیب، بو مساله مملکت امنیتی اوچون ییریک خطر دیگن‌لر.
شونینگ‌دیک اسلامی حزب کینگشی بیر اعلامیه ترقه‌تیش بیلن، مذکور کیلیشووگه قول قوییلیشی بو حزب نی خوطرگه سالگن.
اولر، افغانستان‌ده سونگی تورت دهه ده‌گی بوزغونچیلیک‌لر و بدبخت‌لیک‌لر اوچون پاکستان آی اس آی اداره‌سینی مسوول دیب بیله دی‌لر.
اعلامیه‌ده کیلیشیچه، مذکور اتحادیه رهبری، حکومت دن بو کیلیشوو تیزلیکده بیکار ایتیلیشی‌نی سوره‌گن.
عین حالده، سیاسی ایش بیلرمان‌لردن بیری عبدالستار سعادت نینگ ایتیشیچه، بونده‌ی بیر قراردن آلدین، خلق بیلن مصلحت بولیب اونی برچه شرایط‌‌لری و ضررلری اولر بیلن اورته‌گه قوییلیشی لازم ایدی.
جناب سعادتگه کوره، حکومتنی بونده‌ی ایشی اولوس تامانیدن قبول بولمه‌یدی.
اونینگ کوپیتیریشیچه، مردم سالارلیک جماعه‌سیده شاشیلینچ شکلده بونده‌ی بیر ایش‌نی قیلیش لازم ایمس دیر.
ملی بیرلیک حکومتی تشکیل ایتیلگن‌دن سونگ افغانستان بیلن پاکستان علاقه‌سی کوتیلمه‌گن درجه ده یخشی‌لشدی.
یقین‌ده پاکستان باش وزیری نوازشریف کابل سفریده افغانستان رسمی لری بیلن ترورچیلیککه قرشی کوره‌شیش و سوداگرلیک علاقه‌لری توغری‌سیده بحث آلیب بارگن ایدی.
