بوگون ایرتلب کابل‌ده صادر ایتیلگن هجوم توغریسیده مجلس اعضالری عکس‌العمل بیلدیردی.
نماینده‌لر مجلسی نینگ قطار اعضالری مجلس نینگ بوگون عمومی ییغینی‌ده پایتخت امنیتی وضعیتی بوزیلگن لیگی خصوصی‌ده خواطر بیلدیرگن. نماینده‌لر انتحاری هجوم ینه پارتلشلر کونده مملکت خلقی‌دن قربانلیک آله‌دی دیگنلر. لیکن، امنیتی مسووللر بو قبیل واقعه‌لر آلدینی آلیش‌گه قادر ایمس دیدی مجلس اعضالری.
نماینده‌لر مجلس اعضاسی نظیفه ذکی، بوگون کابل نینگ وزیر محمداکبرخان منطقه‌سیده صادر ایتیلگن خودکش هجوم ایریم سواللرنی ذهن‌ده پیدا قیله‌دی دیگن. او، بو هجوم توغریسیده امنیتی اداره‌لر مسووللری جواب بیریشی کیره‌ک دیگن.
خانم ذکی‌گه کوره، وزیر محمداکبرخان نینگ تورت تامانیدن امنیتی پوسته‌لر، خوفسیزلیک بیلباغلر و ایچکی ایشلر وزیرلیگی نینگ امنیتی قطعه‌لر بولیشی‌گه قره‌مه‌ی، پارتلاوچی ماده گه تولدیریلگن موتر قنده‌ی قیلیب اوته‌دی دیگن.
هجوم باره‌سیده عکس‌العمل کورستگن کابل خلقی نینگ نماینده‌سی رمضان بشردوست، امنیتی کوچلر قاره شیشه‌لی موترلر، شماره‌سیز موترلر عجیب وغریب «و.ج» شماره‌سی بولگن موترنی اصلا تیکشیرمه‌یدی دیدی.
جناب بشر دوست‌گه کوره، اوشبو موترلر وزیرلر، وکیللر و جنراللرگه تیگیشلی. پولیس بو قبیل موترلرنی تیکشیرگن حالده، ایش آلینه دیدیگن جناب بشردوست. اما، بولردن مذکور موترلرده ترورچیلر یوق دیب سوره‌له‌گن حالده؟ 99% بو قبیل موترلرده ترورچیلر بار دییه جواب بیره دیلر.
بوگون صادر ایتیلگن هجومده 80 انسان قربان بولیب کمیده 347 کیشی ایسه آغیر یینگیل یره‌لندی.
وزیرمحمداکبرخان منطقه‌سی کابل نینگ بای به دولت کیشیلری استقامت قیله دیگن دیپلوماتیک محل حسابلنه‌دی. جمهور رییسلیک سرایی، تشقی دولتلرنینگ اداره‌سی، امریکا، ناروی، کانادا و تاجیکستان ایلچیلیکلری وزیر اکبرخان منطقه‌ده جایلشگن.
