اوشبو واقعه بوگون «پنجشنبه، 21- سنبله» توشدن سونگ، ساعت بیر اطرافیده یوز بیرگن. ایچکی ایشلر وزیرلیگی پارتلش یوز بیرگنینی تصدیقلب ایتیشیچه، بو واقعه کابل نینگ چهارآسیاب تومنی بیر حربی قرارگاه یقینیده یوز بیرگن.
ملی مدافعه وزیرلیگی نینگ ایتیشیچه، یوز بیرگن واقعه خودکش هجم ایکن.
ملی مدافعه وزیرلیگی بیر خبرنامه ترقه‌تیب ایتیشیچه، مرسدس تیپلی موترده بولگن خودکش بیر هجومچی اوزی نینگ کابل نینگ چهارآسیاب تومنیده‌گی حربی کوچلرنینگ خاص عملیات‌لری قرارگاهی برابریده پارتلتگن.
مذکور وزیرلیک‌که بو واقعه ده 4 حربی هلاک و باشقه 3 حربی یره‌لنگن.
اوشبو واقعه مسؤولیتی‌نی طالبان گروهی بوینیگه آلگن.
ایتیش کیره‌ک کیم، اوتگن هفته پنجشنبه کونی کابل شهری نینگ 9- حوزه‌سیده تونس تیپلی بیر موتر پارتلشی عاقبتیده، 10 کیشی هلاک و باشقه 42 کیشی یره‌لنگن ایدی. اوشبو واقعه مسؤولیتی نی هم طالبان گروهی بوینیگه آلگن ایدی.
بو هجوم ده کیسکین حمایه‌وی کوچلرنینگ ایکی عسکری بیری آمریکایی‌لیک و باشقه بیر رومانیایی‌لیک هلاک ایتیلگن.
اوشبو واقعه دن ایکی کون اوتگنیدن سونگ، آمریکا جمهور رئیسی دونالد ترامپ، آمریکایی‌لیک بیر عسکر هلاک ایتیلگنی گه عکس‌العمل بیلدیریب آمریکا و طالبان آره‌سیده‌گی تینچلیک سوزلشوولرینی توخته‌تیب قویدی.
شو توغریده…
کابلده یوزبیرگن پارتلش عاقبتیده 10 کیشی هلاک بولگن
