بوگون "چهارشنبه" غزنی یشاوچی‌لریدن اونلرچه ناتینچلیک‌لر کوپه‌یگنی سبب، اعتراض بیلدیریب کابل-قندهار قتناو یولی‌نی ترافیک یوزی‌گه باغله‌گنلر. اولرنینگ ایتیش‌لریچه، ایستک‌لری حکومت تامانیدن قبوللنمه‌گن صورتده، اعتراض‌گه دوام بیریب و مذکور قتناو یول‌نی آچمه‌یدیلر.
اعتراضچی‌لر، غزنی ولایتیده بنیادی اوزگریشلیک کیلتیریلیشی‌نی ایسته‌ب و مرکزی حکومت‌دن اوشبو ولایت حاکم و امنیتی مسوول‌لرینی ایش‌دن چیکلنتیریشینی سوره‌گنلر.
اولر، غزنی حاکمی و امنیتی مسوول‌لری نینگ مدیریت‌سیزلیگی دن تنقید قیلیب و محلی مسوول‌لرنینگ دقت‌سیزلیگی سبب، تینچ اهالی نینگ تلفاتی کوپه‌یگن دیگنلر.
اعتراضچی‌لردن بیری عبدالباری نینگ سلام‌وطندارگه ایتیشیچه، امنیتی کوچلرنینگ جسد و یردارلری نیچه کون اوروش میدانی‌گه قاله‌دی و نتیجه‌ده یاردم ییتیشمه‌گنی سبب، طالبان قولی‌گه اسیر بوله‌دی.
غزنی محلی و امنیتی مسوول‌لری بوتوغریده صحبت قیلیش‌نی ایستمه‌گنلر، بیراق غزنی پولیس قومندانی احمدخان سیرت اوروش‌لرده مدیریت‌سیزلیک‌نی رد قیلیب ایتیشیچه، سونگی پیت‌لرده پولیس چوکاتیده بنیادی اصلاحات کیلتیریلگن.
