افغانستان انسان حقوقی ایرکین کمیسیونی بیر اعلامیه آرقه‌لی، بوگون ایرته‌لب کابل شهریده بیر پارتلش عاقبتی‌ده مذکور کمیسیون نینگ ایکی ایشلاوچیسی هلاک ایتیلگنی نی تصدیقله‌گن.
اوشبو کمیسیون نینگ ایتیشیچه، هلاک ایتیلگن‌لردن بیری حقوقی مصلحتچی و باشقه بیری ایسه هیداوچی صفتیده مذکور کمیسیون‌ده ایش قیله‌دی ایکن.
مذکور کیشیلر دفترلری تامان کیته‌دیگن بیرچاغده پارتلش یوز بیرگن.
کابل پولیسی بیر خبرنامه ترقه‌تیب ایتیشیچه، کابل شهری نینگ 12- خوفسیزلیک حوزه‌سیده یوزبیرگن بیر هجوم عاقبتی‌ده بیر عیال شامل ایکی تینچ‌اهالی جان بیرگن.
مذکور خبرنامه اساسیده، اوشبو حادثه بوگون (شنبه 7- سرطان) ایرته‌لب کابل شهری نینگ پلچرخی منطقه‌سیده کرولا تیپلی بیر موترگه ییرلشتیریلگن ماین پارتلشی بیلن یوزبیرگن.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
