سلام‌وطندار بیلن صحبت اوتکزگن جمهور رییس غنی‌نینگ سوزلاوچیسی‌نی اورین باسری دواخان مینه‌پال، کابل تینچلیک ییغینیدن مقصد، ترورچیلیک‌که قرشی کوره‌ش‌ده دنیانینگ قوشمه توشونچه‌سی، افغانستانده تینچلیک کیلتیریش اوچون ییچیم یول تاپیش، برقرارلیک اوچون اقتصادی فرصت‌لردن فایده‌لنیش و خوفسیزلیک خواطرلرینی اشتراکچی مملکت‌لر بیلن شریک قیلیش دیگن.
جمهور رییس سوزلاوچیسی‌نینگ اورین باسری‌گه کوره، کابل تینچلیک ییغینی‌نینگ نتیجه‌سی بیللی ایمس و زمان اوتیشی بیلن سونگی ییغین‌لرده بیللی بولیشی ممکن. اونینگ ایتیشیچه، کابل تینچلیک ییغینی‌نینگ اشتراکچی‌لری، ترورچیلیک‌نی جهانی تهدید بیلیب و اولرنی نابود قیلیشی اوچون قوشمه شکلده عمل قیلیش‌لری اوستیگه کیلیشگن‌لر.
بیراق، تحلیلچی‌لر و نماینده‌لردن بیرقطاری‌نینگ ایشانچی‌گه کوره، افغانستانده تینچلیک کیلتیریش و ترورچی‌لرگه قرشی کوره‌ش خصوصیده، حکومت‌نینگ سعی و حرکت‌لری خوش قرشی‌لنیشی کیره‌ک.
اولرنینگ ایتیشیچه، کابل تینچلیک ییغینی، تینچلیک‌که ییتیشیش توغریسیده امیدلرنی کوپه‌یتیره‌دی.
سلام‌وطندار بیلن صحبت اوتکزگن سیاسی تحلیلچی فردوس کاوش‌نینگ ایتیشیچه، تینچلیک خصوصیده‌گی سعی و حرکت‌لر دواملی بولیب و دنیا و منطقه کوچلری افغانستاندن حمایه قیلیش‌لری لازم.
نماینده‌لر کینگشی اعضاسی منورشاه بهادری‌نینگ ایتیشیچه، افغانستان تینچلیک و برقرارلیک‌که ییتیشیش اوچون موجود فرصت‌لردن ییترلی شکلده فایده‌لنیشی کیره‌ک. اونینگ ایتیشیچه، حکومت اوز لایحه‌سیده، دوست و دوشمن‌نی آچیق شکلده تعریف قیلسین.
مملکت‌ده تینچلیک کیلتیریش خصوصیده، کابل تینچلیک بیرینچی ییغینی، کابل و باشقه ایریم ولایت‌لر بیر هفته‌دن بویان قانلی ترورچیلیک هجوم‌لرگه گواه بولیب و نتیجه‌ده یوزلرچه کیشی اولیب و یره‌لنگن بیرچاغده، کابل‌ده جدی امنیتی تدبیر بیلن یولگه قوییلدی.
