بامیان و غزنی ولایت‌لریدن کیلگن گزارشلرگه کوره، طالبلر بوگون (پنج شنبه) ایرته‌لب کابل- غزنی و کابل- بامیان قتناو یول‌لریده‌گی امنیتی پوسته‌لر اوستیگه هجوم اویوشتیریب و بو ایکی قتناو یول‌نی یوللاوچیلر برابریده توسگن.
میدان وردک والیسی‌نینگ سوزلاوچیسی عطاالله خوگیانی، سلام‌وطندار بیلن اوتکزگن صحبتیده، یوزلرچه جنگری طالب اوشبو هجوم‌گه سهم آلگنی و شونینگ‌دیک بیرقطار یوللاوچیلرنینگ تیکشیرگنینی ایتکن.
خوگیانی‌گه کوره، طالبلر، امنیتی کوچلرنینگ قرشی لیگی‌گه روپه‌ره بولیب کوپلب تلفات کورگن. اونگه کوره، مذکور ولایت امنیتی کوچلری کابل- غزنی قتناو یولی‌نی یوللاوچیلر برابریده آچگن؛ بیراق کابل- بامیان قتناو یولی حاضرگچه توسیق قالگن.
اونینگ ایتیشیچه، حاضر منطقه‌ده طالب‌لرگه قرشی حربی عملیات دوام ایتماقده و تیزلیک‌ده کابل- بامیان قتناو یولی‌هم آچیلیشی ممکن.
میدان وردک ولایتی جلریز تومنی یشاوچیلریدن بیری‌نینگ ایتیشیچه، طالبلر ایرته‌لب‌دن بویان کابل- بامیان قتناو یولی‌نی یوللاوچیلر و امنیتی کوچلر برابریده توسگن و حاضر ایکی تامان اورته‌سیده توقنه‌شوو دوام ایتماقده.
بیراق، میدان وردک ولایتی کینگش نماینده‌لریدن بیری شریف‌الله‌نینگ ایتیشیچه، طالبلر اوتکن کوندن بویان اوشبو ایکی قتناو یول‌ده یوللاوچلرگه قرشی قیین چیلیک‌لر یره‌تگن.
او، دولت‌دن مذکور قتناو یول‌لر امنیتی تأمین‌لنیشی خصوصیده دقت قیلیشینی سوره‌دی.
طالبلر حاضرگچه بو توغریده هیچ نرسه دیمه‌گن.
