طبیعی حادثه‌لرگه قرشی کوره‌ش وزیرلیگی مسؤول‌لری‌نینگ ایتیشیچه، کابل‌نینگ سروبی تومنی‌ده یوز بیرگن سوو تاشقین‌لر نتیجه‌سیده 10 کیشی جان بیرگن، 7 کیشی یره‌لنگن و باشقه 7 کیشی درک‌سیز یوقالگن.
اولرنینگ ایتیشیچه، بو واقعه‌لر نتیجه‌سیده 40 اولتیریش اوی هم بوزیلگن.
طبیعی حادثه‌لرگه قرشی کوره‌ش ایشلری بوییچه دولت وزیرلیگی سوزلاوچیسی عمر محمدی‌نینگ سلام‌وطندارگه ایتیشیچه، مملکت‌نینگ بیرقطار ولایت‌لریده یوز بیرگن سوو تاشقین‌لر کوپلب مالی و جانی زیان ییتکیزگن.
جناب محمدی‌گه کوره، اولر زیان کورگن‌لرگه یاردم بیریش یانیده، سروبی تومنی‌گه یاردمچی گروه هم یوبارگن‌لر.
طبیعی حادثه‌لرگه قرشی کوره‌ش ایشلر بوییچه دولت وزیرلیگی سوزلاوچیسی‌نینگ کوپه‌یتیریشیچه، اوتگن هفته بدخشانده یوز بیرگن سوو تاشقین‌لر نتیجه‌سیده 16 کیشی هلاک و باشقه 19 کیشی یره‌لنگن.
اونینگ ایتیشیچه، بو واقعه نتیجه‌سیده 294 اوی هم بوزیلگن.
طبیعی حادثه‌لرگه قرشی کوره‌ش ایشلر بوییچه دولت وزیرلیگی مسؤول‌لری، پروان ولایتی‌ده هم سوو تاشقین‌لری یوز بیرگنی‌دن خبر بیره‌دیلر. اولرنینگ ایتیشیچه، بو واقعه‌لر هیچ کیم‌گه مالی و جانی زیان ییتکیزمه‌گن.
اولرنینگ ایتیشیچه، حاضرگچه مملکت‌نینگ 33 ولایتی‌ده طبیعی حادثه‌لرگه قرشی کوره‌ش‌ده 156 میلیون افغانی خرچ بولگن.
