بوگون «چهارشنبه» کابلده معارف وزیرلیگی و انسان حقلری کمیسیونی تامانیدن «خاص تعلیمات و تربیه ایشلری بوییچه اویغونلشتیریش و رواجلنتیریش ییغین» یولگه قوییلدی. اوشبو ییغین یولگه قوییلیشیدن مقصد، اورگهتیش و تربیهلشدن محروم قالگن بالهلر اوچون دیتابیس ایجاد قیلیش دیر.
اوشبو ییغینده انسان حقلری کمیسیونینینگ ناگرانلر حقوقیدن حمایه قیلیش عمومی باشلیغی محمدعلی محبتی تامانیدن ارایه ایتیلگن رقم اساسیده، مملکتده 2.7% ناگرانلر جمعیتیدن 196 مینگ تهسی بالهلر دیر و بو آرهدن یالغیز 3790 تهسی خاص تعلیمات و تربیهلشدن فایدهلنهدی.
بیراق، معارف وزیرلیگی تامانیدن بیریلگن رقم گه کوره، حاضر مملکت مکتبلریده 4 مینگ و 307 ناگران باله اورگهتیش و تربیهلشدن فایدهلنهدی و بو جملهدن 1549 تهسی و باشقه 2758 تهسی اوغیل دیر.
بونگه قوشیمچه، معارف وزیرلیگینینگ اساسی و اورته تعلیمات ادارهسی باشلیغی تورپیکی مومندنینگ ایتیشیچه، توپلم شکلده بوتون مملکتده ناگران بالهلر شامل کمیده 3.7 میلیون باله اورگهتیش و تربیهلشدن محروم قالگن، بیراق بو بالهلر اورگهتیش و تربیهلشدن فایدهلنیشی اوچون دیتابیسلری توزهلیشی کیرهک و بو ایش معارف وزیرلیگینینگ مسؤولیتی دیر.
