کابل شهری شاه‌شهید اوچینچی سرکی‌ده یوزبیرگن پارتلش‌ده، 8 کیشی هلاک بولگن و 400 کیشی یره‌لنگنی ایتیله‌دی. افغانستان ساغلیق‌نی سقلش وزیرلیگی رسمی‌لری بو خبرنی تصدیق‌لیب ایتیشیچه، واقعه‌ده یره‌لنگن‌لرنینگ کوپینچه‌سی تینچ اهالی دیر.
ساغلیق‌نی سقلش وزیرلیگی علاقه‌لر مسؤولی اسماعیل طاووسی نینگ سلام‌وطندار بیلن تلیفونی سوزله‌شیب ایتیشیچه، بو واقعه‌ده یره‌لنگن‌لرکوپینچه‌سی‌نینگ جراحتی یینگیل بولگن.
عین حالده، واقعه محلی‌ده حضور کیلتیرگن امنیتی مسؤول‌لردن بیری‌نینگ سلام‌وطندارگه ایتیشیچه، واقعه یوزبیرگن محل‌ده یقین بولگن بنالردن بیرقطاری ییقیلیب توشگن و پارتلش نتیجه‌سیده 100 دن آشه کیشی هلاک بولگن.
امنیتی رسمی‌لرنینگ ایتیشیچه، پارتلاوچی ماده‌دن توله‌بولگن بیر یوک تاشووچی موتر یریم کیچه پولیس کوچلری امنیتی پوسته‌لری یقینیده پارتله‌تیلگن.
محل یشاوچیلری‌نینگ ایتیشیچه، واقعه‌ده زیان کورگن‌لر ایچیده باله‌لرهم شامل بولگن.
بو پارتلش کوچلی بولگنی سبب آوازی اوزاق منطقه‌لرگه ییتیشیب، شونینگ‌دیک واقعه محلی‌دن اوزاق بولگن اوی و دکان‌لرگه زیان ییتکیزگن.
کابل امنیه قومندانی عبدالرحمان رحیمی، واقعه‌دن نیچه دقیقه اوتکنی‌دن کیین منطقه‌گه حضور کیلتیریب، بو واقعه‌ده تینچ اهالی هدف‌گه آلینگن و کوپینچه اوی بوزیلگن لیگینی ایتگن.
حاضرگچه بو هجوم مسؤولیتی‌نی هیچ بیر گروه بوینیگه آلمه‌گن.
بو هجوم شونده‌ی بیرحالده یوزبیره‌دی کیم، اوتکن کون، لوگر ولایتیده یوزبیرگن پارتلش هجوم‌ده 7 کیشی هلاک بولیب و 18 کیشی یره‌لنگن ایدی. واقعه‌ده هلاک بولگن‌لر ایچیده 3 پولیس بارلیگی ایتیله‌دی.
بو واقعه، 15- اسد پنج‌شنبه کون ایرته‌لب ساعت 7 ده لوگر ولایتی تیزیاردم پولیس قوماندان‌لیگی یقینیده یوزبیرگن.
طالب‌لر اوشبو واقعه مسوولیتی‌نی بوینیگه آلگن.
