مملکت ملی خوفسیزلیک ریاستی، طالب‌لرگه تیگیشلی 7 کیشی‌لیک بیر گروه‌نینگ قولگه آلگنیدن خبر بیرگن. مذکور گروه ایچکی ایشلر وزیرلیگی و امان‌الله کسلخانه‌سی اوستیگه خودکش هجوم اویوشتیریش گه قصد قیلگن ایکن.
ملی بیرلیک خوفسیزلیک ریاستی‌نینگ خبرنامه‌سیده کیلیشیچه، بو کیشی‌لر جرملرینی بوینیگه آلگن.
خبرنامه اساسیده، مذکور 7 کیشی پاکستانده جایلشگن اصحاب‌الجنه، هاشمیه، اصحاب‌الصفه، لشکر منصوری و لشکر عمری مدرسه‌لریده خودکش‌لیک هجوم اوچون تعلیمات کورگن ایکن.
مذکور 7 کیشی عزیزالله اوغلی هدایت، محمدالدین اوغلی جمال‌الدین، جیلانی اوغلی هدایت‌الله، محمدلعل اوغلی عزت‌الله، فیض‌الدین اوغلی عزت‌الله، عظیم‌جان اوغلی حبیب‌الرحمن و نظرگل اوغلی ضیاءالحق دیر.
قوراللی طالب‌لر حاضرگچه بو توغریده هیچ نرسه دیمه‌گن.
بوندن آلدین، سونگی کونلرده کابل ایکی قانلی خودکش هجوم‌گه گواه بولگن ایدی. بو هجوملرده 29 کیشی هلاک و 49 کیشی یره‌لندی.
