بیرقطار لایحه لی شخصلر ایکی نرم افزار نوبت من و پاسخگو ناملی لایحهلری توزهلیشی ممکن.
امیریکه قوشمه ایالتی کینگیتیریش ادارهسی، تیکنیشن، انترنیوز ادارهلری و مدنی جماعهچیلیک یاردمی اساسیده تکنالوژی آرقهلی اجتماعی قیینچیلیکلرگه ییچیم یول قیدیریش نیتیده اوچ کونلیک برنامه یولگه قوییلدی.
بو برنامهده نیچه گروه ایجابی لایحهلرینی بیان ایتیب بیلله شوونی یولگه قوییب نتیجهده اوچ گروه قازانگن.
کابل بیلیم یورتی کمپیوتر ساینس فاکولتهسی تورتینچی ییل اوقووچیلر و تکنالوژی سیناو برنامهسیده بیرینچی مقامگه ایریشگن گروه باشلیغی عتیقالله امیرینینگ سلاموطندارگه ایتیشیچه، اولر پاسپورت ریاستی اوچون نوبت من تکنالوژی لایحهسینی توزهتکنلر.
جناب امیریگه کوره، مذکور نرم افزار قوریلیشی اساسیده، وقت ضایع بولیش، برچه ادارهلر اینیقسه پاسپورت ریاستیدهگی قیینچیلیکلر آزهیشی ممکن.
امیرینینگ کوپهیتیریشیچه، مذکور نرم افزارلرنی اوچ بولیمده بولیشی کوتیلهدی.
انترنتگه قول تاپگن و یوکسک اوقوودن فایدهلنگن کیشیلر، پاسپورت ریاستی سایتیگه مراجعت قیلیب اوزلرنی روی خطگه بیرهآلهدی. انترنتگه قول تاپمهگن کیشیلر اوچون ایکی گزینه بار، بیری: پاسپورت ریاستیگه مراجعت قیلیب روی خطگه بیریش و ایکینچیسی ایسه تلیفون آرقهلی خذمتچیلر رقمیگه قونغیراق قیلیب روی خطگه کیریش.
«آی نوبت» (اپلیکیشنی اوسورس و پلت فورم) طریقهسیگه توزهتیلگن، موبایل و کمپیوترده ایش آلینهدی. امیریگه کوره، مذکور نرم افزارلر قیسقه مدتده توزهلیب، کوپلب قولیلیکلر یرهتهدی.
شونینگدیک، ایکینچی درجهده ایریشگن گروه باشلیغی سیدشاه آغا فاضلنینگ ایتیشیچه، اولرنی گروهسی کتابخانه و انترنتگه قول تاپه آلمه یدیگن اوقووچیلر و استادلر قیینچیلیکلریگه ییچیم یول تاپیش اوچون «جواب بیریش» سیستم لایحهسینی توزهتگنلر.
تکنیشن شرکتی باشلیغی عمرمنصور انصارینینگ سلاموطندارگه ایتیشیچه، اوچ کونلیک برنامه اوچون سیلهنگن سوژهلر عملگه آشیریلهدی. جناب انصاریگه کوره، اوشبو سوژهلرنی عملگه آشیریلیشی بعضی بیر منبعلرگه احتیاجی بار.
جناب فاضلگه کوره، اوشبو سیستم خذمتلریگه قول تاپیش اوچون آز پول تولهشلری بیلن هر آیده مشترک بوله آلهدی، شونینگدیک قولی شکلیده بو خذمتلردن ایش آلسه بولهدی.
اونینگ ایتیشیچه، اوشبو برنامه ایشچیلری جواب بیریش ریجهلری بیلن بو تکنالوژی افزاردن قیینچیلیکلرینی حل قیلهدی.
جناب فاضلنینگ کوپهیتیریشیچه، اوشبو برنامه لایحهسی شخص یا دولتگه باغلیق بولگن، و مینگلرچه اوقوتووچی و اوقووچی اوچون یخشی قولیلیکلر یرهتهدی.
اوشبو لایحه چیلرگه کوره، تکنالوژی جامعهنی اوزگرتیریب، قیینچیلیکلر و قانونگه قرشی قوللاب کارلیکلرنی کمه یتیریشگه یاردم بیرهدی.
بو برنامهلر قندهی بیر صورتده عملگه آشیریلهدی؟
تکنیشن شرکتی باشلیغی عمرمنصور انصارینینگ سلاموطندارگه ایتیشیچه، اوچ کونلیک برنامه اوچون سیلهنگن سوژهلر عملگه آشیریلهدی. جناب انصاریگه کوره، اوشبو سوژهلر عملگه آشیریلیش عاقبتیده بعضی بیر منبع لرگه احتیاجی بار.
«بیزلر بیرینچی درجهده قرار تاپکن تیم بیلن ایشلهیمیز. بولر ایکی دن اوچ آی گه قدر سافتویرلرینی یکولنتیرهدی شونینگدیک باشقه تیملر بیلن هم اوزلریگه یاردمچی تاپیش اوچون ایشلهیمیز، چونکه سافتویر ایجاد ایتیش آسان ایش ایمس، اونی عملگه آشیریش هم جوده قیین».
تکنیشن شرکتی باشلیغیگه کوره، قازانگن تیملر سوژهلری عملگه آشیریش قابلیتگه ایگه، بو موضوعگه تیگیلشی قوریلمهلر آرقهلی آلقیشلنیشی ممکن.
