ترکمن تیلی ادبیاتی‌نینگ نماینده‌لریدن بولمیش مولانا دولت گیلدی فدایی‌نینگ شعری مجموعه‌سی باسیب چیقاریلدی. اوشبو شعری توپلم نینگ آچیلیش مراسمی بولیب اوتدی. انه شو مناسبت بیلن بوگون پنج شنبه کابل‌ده ییریک ییغین اوتکزیلدی.
مجلس ترکیه‌نینگ افغانستان‌ده‌گی نا دولت تشکیلاتی تیکا – یا انسان پرورلیک یاردم‌لر ییتکزیب بیریش اداره‌سی نینگ سالونی‌ده اوتکزیلگن. ییغین‌ده دولت‌نینگ بیرقنچه بلند مرتبه‌لی رسمیلری، یازووچی‌لر و یاش‌لر اشتراک قیلگن ایدیلر.
اصلی کیلیب چیقیشی ترکمنستانلیک افغانستان ترکمن شاعری و یازووچی‌سی جهان گیلدی‌نینگ اوغلی دولت گیلدی فدایی‌نینگ یقین‌ده چاپ‌دن چققن شعری مجموعه‌سی شیدالریگه ترقه‌تیلیشی مناسبتی بیلن کتاب‌نینگ آچیلیش مراسمی ینه شاعرنینگ خاطره‌سی‌گه بغیشله‌نیب ییغین اوتکزیلدی.
ییغین شاعرنینگ پایخت کابلده‌گی شیدالری قوشیمه مملکت‌نینگ شمالی ولایت‌لریدن کیلگن یازووچی و شاعرلر اشتراکی‌ده بولیب اوتدی. ییغین‌ده چیقیش قیلیب موعظه قیلگنلر ترکمن شعریتی‌نینگ اتاقلی شاعری و یازوچی‌سی دولت گیلدی فدایی‌نینگ حیاتی و ایجادی فعالیت‌لری اوستیده توخته‌لیب به تفصیل گپیردیلر.
سوزگه چیققن‌لر، شاعر اوز شعرلریده جمعیت‌ده‌گی تینگ‌سیزیلیک، نا بربرابرلیک و عدالت‌سیزلیک‌لرگه اشاره قیلیب، قلم تیبره‌تگنی حقیده سوزلهگنلر. ییغن‌ده چیقیش قیلیب سوزله‌گن لردن استاد محمد نظری رحمتلی‌نینگ فعالیت‌لری حقیده توخته‌لیب، جهان گیلدی نینگ اوغلی دولت گیلدی فدایی اصلی‌ده ترکمن خلقی نینگ قاره یونلی اورغی‌دن بولگن لیگینی بیلدیردی. نظریگه کوره، او قویاش 1279- ییل اسد آیی 14-سیده یکشنبه کونی ترکمنستان‌نینگ لباب ولایتی‌ده بیر ضیالی عایله‌ده دنیاگه کیگن.
بوندن یریم عصر آلدین مرکزی آسیا قاله ویرسه ترکمنستان‌ده اورته‌گه چیققن ترتیب‌سیزلیک شاعرنی اوز او آنه وطنی‌نی ترک قیلیب، افغانستان‌نینگ شمالی ولایتی بولمیش فاریاب‌نینگ اندخوی تومنی‌گه کیلیشی‌گه سبب بوله‌دی. عمری‌نینگ کته قسمی‌نی ترکمن تیلی و ادبیاتی رونقی اوچون صرف‌له‌گن شاعر فدایی زمانه‌سی‌نینگ هر قنده‌ی تینگ‌سیزلیک‌لری اوچون کوره‌ش‌گن شخص بولگن لیگی سوزگه چیققن‌لر تامانیدن تیل‌گه آلیندی.
فدایی زمانیده‌گی نابرقرارلیک منطقه اینیقسه مرکزی آسیاده ییریک اوزگریش‌لرگه باعث بولگن دیدی جناب پیغمبرقل دوغن. جناب دوغن، او، 19 عصرده دنیاگه کیلگن. اونینگ زمانیده‌گی سیاسی اوزگریش‌لر تاریخ‌ده اکتوبر انقلابی دیب قید ایتیلگن لیگی توغریسیده اشاره قیلگن.
ییغین اشتراک‌چی‌لری ترکمن تیلی و ادبیاتی رونقی اوچون بونده‌ی مدنی و فرهنگی ییغین‌لر یول‌گه قوییلیشی اوستیده تاکیدلگن‌لر. اولر، بونده‌ی اولکن ییغین‌لر اوتکزیلشی ترکمن تیلی و ادبیاتی‌نینگ نماینده‌لری کوپراق تانیشتیریلشی اوچون اولگن اهمیتی بارلیگی‌نی تیل‌گه اوستیده تاکید قیلگنلر.
میلادی 1900- ییل‌ده ترکمنستان‌نینگ لباب ولایتی‌ده دنیاگه کیلگن مولانا دولت گیلدی فدایی میلادی 1972 – ییل‌ده فاریاب ولایتی‌نینگ قورغان تومنی‌ده حیاتدن کوز یومیب بو ییرده توپراققه تاپشیریلگن.
