.jpg)
بوگون چهارشنبه قیشلاق‌ده ایشلب چیقاریلگن محصولات نینگ ییریک کورگزمه‌سی آچیلدی. اوشبو برنامه قیشلاق صناعت ملی ترقیات لایحه‌سی تامانیدن کابل‌ده یول‌گه قوییلدی.
کورگزمه‌ده مملکت‌نینگ بیش ولایتی‌دن 110 کیشی قیشلاق تجارلری اشتراک قیلگن‌لر. کورگزمه‌نی اوتکزیش‌دن مقصد دهقان‌لر اوچون ایش زمینه‌سی و درآمد منبعی یره‌تیش بولگن.
قیشلاق صناعت ملی ترقیات برنامه‌سی افغانستان قیشلاقلرنی اوستدیریش وزیرلیگی‌نینگ چهار چوبهسیده فعالیت قیله‌دی.
مملکت قیشلاقلرنی رواجالنتیریش وزیری نصیراحمد درانی، اوشبو برنامه‌دن نیت قیشلاق اقتصادیاتینی اوستیریش، محلی تجارلرنی کوچیتیریش، درآمدنی آشیریش و قیشلاق خلقی اوچون دایمی ایش شرایطی یره‌تیش بولگن دیگن. جناب وزیر، بو برنامه حاضر هرات، بلخ، بامیان، پروان و ننگرهار ولایت‌لریده تطبیق ایتیله‌دی دیگن. بیش مینگ گروه آمانات‌دن 500 کیچیک قرضه بیرلشمه‌سی ایجاد بولگن.
جناب درانی، مذکور لایحه اساسی‌ده 5 ولایت نینگ 27 تومنی‌ده 680000 کیشی توغری یا- ده نا توغری روشده ایش جایی بیلن تامین بولگن‌لیک لرینی بیلدیرگن. بولرنینگ 64% عیاللر تشکیل ایته‌دی.
مملکت قیشلاقلرنی رواجلنتیریش وزیری، قیشلاق صناعت کوزگزمه‌سی قیشلاق اهالی‌سی‌نینگ آمانات آلیش کومک‌لریگه تینیب وزیرلیک همکارلیگی بیلن یول‌گه قویلگن دیگن. بو بازار توغری یا – ده نا توغرش شکلده عیاللرگه ایش قیلیش شرایطی یره تیب بیریش باشقه بیر ویژه‌لیگیدن حسابلنه‌دی. اونینگ سوزلریگه کوره، 988 کیشی اشتراکچی‌دن 55% عیال کوچیلردن عبارت بولگن.
قیشلاق صناعت ملی ترقیات لایحه‌سی میلادی 2010 ییلده افغانستان قیشلاقلرینی رواجلنتریش وزیرلیگی چهار چوبهسیده فعالیت‌گه باشله‌گن. آلتی ییل جریاینی‌ده بو دستور اوچون 35 میلیون دالر سرمایه یاتقیزیلگن. شونینگ‌دیک رسمیلر، مذکور لایحه افغانستان نینگ بوتون ولایت‌لرده کیینگیتیریلیشی اوچون سعی و حرکت لر بارلیگی‌نی تیل‌گه آلگن‌لر.
قیشلاق محصولات‌لری کورگزمه‌سی اوچ کون باغ بابرده اوتکزیلیشی پلانلشتیریلگن.
