.jpg)
جمعیت‌نی رویخط‌گه آلیش اداره مسؤوللری‌نینگ ایتیشیچه، تیزلیک‌ده کابل شهری‌نینگ 18 امنیتی حوزه‌سیده قاغذی کیم‌لیک‌لر ترقه‌تیلیشی اوچون 18 مرکز ایجاد ایتیله‌دی.
بوگون کابل‌ده خبری بیر ییغینده نطق سوزله‌گن جمعیت‌نی رویخط‌گه آلیش اداره سوزلاوچیسی روح‌الله احمدزی‌نینگ ایتیشیچه، اولر مملکتده 10 میلیون قاغذی کیم‌لیک ترقه‌تیلیشی‌گه تیارگرلیک آلگن‌لر و بو لایحه تیزلیک‌ده دوام ایتماقده.
جناب احمدزی گه کوره، کوچی‌لرگه کیم‌لیک ترقه‌تیش بولیمی‌ده خاص بیر گروه ایش قیله‌دی و حاضرگچه اولر اوچون کمیده بیر میلیون کیم‌لیک ترقه‌تیلگن.
.jpg)
جمعیت‌نی رویخط‌گه آلیش اداره سوزلاوچیسی، امنیتی اداره‌لردن باشکینت‌ده ایجاد ایتیلیشی‌گه قرار قیلینگن مرکزلر خوفسیزلیگی‌نی تأمین‌لش‌لرینی سوره‌یدی. جناب احمدزی، نیچه کیشی اوچون نیچه کیم‌لیک‌نی بیر رقم ده ترقه‌تیلیشی‌نی رد قیله‌دی.
جمعیت‌نی رویخط‌گه آلیش اداره سوزلاوچیسی گه کوره، شونینگ‌دیک برقی کیم‌لیک‌لر ترقه‌تیلیشی توغریسیده تیارگرلیک آلینگن و بو لایحه 5 ییل‌گچه دوام ایته‌دی.
مملکتده جمعیت‌نی رویخط‌گه آلیش اداره مسؤوللری‌نینگ ایتیشیچه، کیله‌جک هفته کابل‌ده برقی کیم‌لیک‌لر ترقه‌تیلیشی اوچون بیر مرکز و باشقه 20 کوندن سونگ، بیر مرکز ایجاد ایتیله‌دی و کیله‌جک 6 آی گچه برقی کیم‌لیک‌لر ترقه‌تیلیش مرکزلر سانی 6 گه ییتیشه‌دی.
