افغانستان باشکینتی کابل‌ده جایلشگن بابر باغیده ابوریحان البیرونی سمپوزیمی‌نینگ ایکینچی کونی اوتکزیلدی و اوشبو یولگه قوییلگن ایکینچی کون سمپوزیم‌ده اونلب کیشی اشتراک قیلگن. ایریم مملکت‌لر و افغانستان ایچکریسی‌دن کابل گه کیلگن بیرونی شناش عالِم‌لر وادیب‌لر اوز تیارله‌گن مقاله‌لرینی اوقیش‌گه آلگن‌‌لر. اوشبو سمپوزیم تشبث‌کارلریگه کوره، مقاله اوقیش‌دن ایری قول صنعتی کورگزمه‌سي هم یولگه قوییلیب و اشووله‌چیلر تامانیدن موسیقه بیره‌می اوتکزیلگن. بویوک عالِم ابو ریحان البیرونی‌نینگ خلق ارا سمپوزیمی بوندن بیر کون آلدین باشلنگن و بو سمپوزیم 3 کونگه قدَر دوام اېتیشی کوتیله‌دی.
افغانستان جمهور رئیسی اوتگن ییل قوشنی اوزبیکستان مملکتی گه قیلگن سفریده بیرونی خلق ارا سمپوزیمی کابل‌ده اوتکزیلیشی توغریسیده اوزبیکستان رسمیلری بیلن کیلیشیب آلگنی میدیالرده ترقه‌تیلگن ایدی.
اوشبو بویوک عالِم حاضرگی اوزبیکستان‌نینگ ایسکی خوارزم شهریده دنیاگه کیلیب و افغانستان‌نینگ جنوبیده جایلشگن حاضرگی غزنی ولایتیده دنیادن کوز یومگن و جنازه‌سی مذکور ولایتده توپراققه تاپشیریلگن.
