افغانستان تشقی ایشلر وزیرلیگی، کیلگوسی هفته سه‌شنبه کونی ترورچیلیک و امنیت‌گه عاید افغانستان و پاکستان اورته‌سیده ییغین اوتکزیلیشی باره‌سیده خبر بیرگن. ییغین پایتخت کابلده اوتکزیله‌دی.
تشقی ایشلر وزیرلیگی‌نینگ سوزلاوچی‌سی شکیب مستغنی‌نینگ سلام‌وطندارگه ایتیشیچه، افغانستان ملی مدافعه وزیرلیگی و پاکستان حکومتی‌نینگ بلند مرتبه‌لی رسمیلری اورته‌سیده ترورچیلیک‌که قرشی کوره‌ش همده بو توغریده‌گی هماهنگلیک اوستی‌ده بحث بوله‌دی.
بوندن آلدین هم افغانستان و پاکستان دولت‌لری اورته‌سیده مذکور مساله اوستی‌ده آلیب باریلگن بحث‌لرنینگ اونچه‌لیک نتیجه‌سی بولمه لیگن لیگی ایتیله‌دی.
اما، سیاسی تحلیلچی کابل‌خان تدبیرنینگ سوزلریگه کوره، حاضر وضعیت باشقه‌چه، چونکه حاضر پاکستان دنیا همجمعیتی تامانیدن باسیم آستی‌گه آلینگن؛ انه شو باعث بو مرته اولتیریش یخشی نتیجه بیریشی امکان دن اوزاق ایمس.
افغانستان تشقی ایشلر وزیرلیگی‌نینگ سوزلاوچی‌سی، یقین کیله‌جکده رسمی اسلام آباد بیلن کابل اورته‌سیده باشقه بیر اولتیریش بولیب اوتیشی هم ممکن لگینی تیلگه آلگن.
لیکن جناب مستغنی، اوشبو ییغین کون ترتیبی توغریسی‌ده تفصیلات بیریشمه‌گن.
