گزارشلر اساسیده، قطرده طالبان گروهی سیاسی دفتری باشلیغی ملا عبدالغنی برادر، ینگی‌لیک‌ده مذکور گروه نینگ بیر هیأتی ییتکچیلیگی‌ده چین باریب و چین رسمی‌لری اوچره‌شب و بحث اوتکزگن.
طالبان گروهی نینگ فعالیت‌لرینی یقیندن تیکشیرووچی سیاسی ایش بیلرمانلردن بیری فیض محمد زلاندنینگ ایتیشیچه، طالبان گروهی نینگ هیأتی مذکور گروه و آمریکا نماینده‌لری آره‌سیده تینچلیک سوزلشوولری 7- دوری یولگه قوییلیشی‌دن آلدین چین باریب و مذکور رسمی‌لری بیلن اوچره‌شگن.
جناب زلاندگه کوره، قولگه کیریتگن معلوماتی اساسیده، چین رسمی‌لری باشقه موضوعلرنی یانیده، طالبان گروهی دن تیزلیک‌که آتیش‌کیسین قیلیشی‌نی سوره‌گن.
شونینگدیک، طالبان گروهی نینگ سابق اعضالریدن بیری وحید مژده، چین رسمی‌لری تامانیدن طالبان گروهی دن آتیش‌کیسین اعلان قیلیشی سوره‌لگنینی تصدیقلیدی، بیراق اونگه کوره، چین ایسته‌گی طالبان گروهی تامانیدن رد قیلینگن و بو گروه نینگ ایتیشیچه، افغانستانده چیت‌ایللیک کوچلری نینگ حضوری بولگونگه‌قدر، اولر اوروش گه دوام بیره‌دی.
سیاسی ایش بیلرمانلردن بیرقطاری نینگ ایشانچی گه کوره، طالبان گروهی نینگ نماینده‌لری ایری-ایری اوچره‌شوولری بیلن تینچلیک جریانینی چیگل قیله‌دی.
بیلیم یورت استادی شهبازنینگ ایتیشیچه، افغانستانده تینچلیک تأمین‌لنیشی اوچون منطقه‌یی و خلق ارا سعی و حرکت‌لری اویغونلشتیریلیشی کیره‌ک.
عین حالده، افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، قطرده اوتکزیلیشی کوتیلگن تینچلیک سوزلشوولرینی 7- دوری یولگه قوییلیشی دن آلدین، افغانستان شامل قطار مملکت‌لرگه سفر قیلدی.
جناب خلیلزاد، افغانستان گه قیلگن سفریده، جمهور رئیس غنی، سیاستچی‌لردن بیرقطاری و سیاسی حزب‌لرنینگ باشلیغ‌لری بیلن اوچره‌شیب و بحث اوتکزگن.
