نیوزیلاند هرالد خبری آژانسی نینگ گزارشی اساسیده، ماهوارهیی صورتلرنی کورسهتیشیچه، چین حکومتی سینگیانگ شمال غربیده اویغور مسلمانلرنینگ قبرستانینی بوزگن و شونینگدیک، اوچووچیسیز اوچاقلر تامانیدن آلینگن ویدیوگه کوره، اویغورلردن یوزلرچهسی نینگ قول و آیاقلری باغلیق اردوگاهلرگه انتقال بیریلهدی.
اوشبو گزارش اساسیده، قولگه کیریتیلگن حجتلرنی کورسهتیشیچه، چین حکومتی اویغورلر بیلن قندهی یاندهشیشنی اوشبو مملکت مسؤوللری و رسمیلریگه تعلیم بیرهدی.
شونینگدیک، باشقه حجتلر اویغور عیاللر و هان ایرککلری آرهسیده جبری کیلیشوونی کورستهدی و بو ایسه، اویغور عیاللریگه گروهی تجاوزنی بیلدیرهدی.
چین حکومتی نینگ ایتیشیچه، بو ایشنی تینگ مدنیت برقرار ایتیلیشی اوچون قولگه آلگن. عین دمده، چین مدنی فعاللری، بو حرکتلر توغریسیده باشقچه حکایه قیلیشهدی. اولرگه کوره، چین حکومتی نینگ بو حرکتی حقیقتده عیاللر و ایرککلرنی بیرلشتیریش اوچون دهشتلی برنامه دیر.
اوشبو برنامهنی بیر بولیمی «بیرلیک اوچون» هان ایرککلری بیلن اویغور مسلمان عیاللری بیرگه یاتیشی دییلهدی.
مذکور خبری آژانس گه چین رسمیلری نینگ ایتیشیچه، بیرلیک اچون قوشیش برنامهسی چین قوملری آرهسیده بیرلیک نی تأمینلش دیر.
اویغور مدنی فعاللریدن بیری خانم روشن عباس نینگ ایتیشیچه، اوشبو برنامهدن اساسی مقصد، اویغور عیاللریگه گروهی تجاوز قیلیش اوچون ریجهلنگن برنامه دیر.
عباس نینگ ایتیشیچه، چین حکومتی «هان» اهالیسی گه اویغور عیاللری بیلن اویلهنیش بدلیده اوی، ایش و پول بیرهدی. اونگه کوره، اویغور قیزلری و عیاللری حکومت نینگ اوشبو بویروغیدن باش تارته آلمهیدیلر و قرشیلیک بیلدیرگن صورتده، افراطی تانیلهدیلر.
روشن عباس نینگ اورغولشیچه، چین ده اویغور قیزلری و عیاللری «هان» ایرککلری بیلن اویلهنیشدن باشقه چارهلری یوق.
جاری ییل نوامبر آییده، غرب رسانهلریدن قطاری نینگ گزارش بیریشیچه، چین ایرککلری سرپرستلری توتقونگه بولگن اویلرنینگ تیکشیریش اوچون تعیین ایتیلگن ایکن. چین رسمیلریدن بیری ایرکین آسیا رادیوسی بیلن صحبت اوتکزیب، سرپرستسیز اویلر تیکشیریلگنی نی تصدیقلهگن، بیراق ایتیشیچه، بو موضوع حقیده چین نینگ خاص بیر مقصدی یوق.
مذکور رسمی گه کوره، بو برنامهدن مقصد اویغور عایلهلریگه یاردم بیریش دیر کیم اولرنینگ فکرلری و عقیدهلری اوزگرسین و هان ایرککلری بیلن بیرگه بولگن پیت، بیربیراولریگه قیزیقیب و اولرنینگ عقیدهلر بیلن کوپراق تانیشهدیلر.
اونینگ کوپهیتیریشیچه، «قیش موسومیده نیچه عیال نیچه ایرکک بیلن یاتیشهدی و اولرنینگ آرهسیدهگی مسافه کمیده بیر متر دیر» و هان ایرککلری بو مسافهدن کوپراق اویغور عیاللری گه یقیین بولیش اوچون هیچ قچان سعی و حرکت قیلمهگن.
بیراق، خانم روشن عباس نینگ ایتیشیچه، بو لایحهده شامل بولگن عیاللر حامله بولگنلر و بیرقطارلری نطفهلرینی سقط قیلگنلر.
نیچه پیت آلدین فاش ایتیلگن بیرقطار حجتلرگه کوره، چین اقلیت بولگن اویغورلرنی اردوگاهلرگه «فکرلرینی اوزگرتیرهدی.»
چین دولتی نینگ ادعا قیلیشیچه، اویغورلر اوز ایستکلری اساسیده سینگیانگ نینگ غربی ده جایلشگن اردوگاهلرگه کیلهدیلر.
17 میدیا جملهدن بیبیسی و گاردین کوندهلیگی فاش ایتیلگن حجت خصوصیده تحقیق قیلگن.
اوشبو تدقیقاتلرده کورینیشیچه، مسلمانلرنینگ مذکور اردوگاهلرگه اوز ایستکلری اساسیده اشتراک قیلگنلری خصوصیده پکن نینگ ادعاسی ناتوغری دیر.
چین نینگ ادعا قیلیشیچه، اوشبو اردوگاهلر اورگهتیش بیریش و تروریسمگه قرشی کورهشیش اوچون قوریلگن و هرکیم اوز ایستگی اساسیده اشتراک قیلهدی. مذکور اردوگاهلر اوتگن 3 ییل جریانیده چین نینگ غربیده جایلشگن سینچیانگ منطقهسیده قوریلگن.
باشقه بیرقطار حجتلر قولگه آلینیشلرنی فاش قیلهدی. اوشبو حجتلرگه کورینیشیچه، 2017- ییلده بیر هفته جریانیده 15 مینگ کیشی سینگیانگ منطقهسی نینگ جنوبیدن اوشبو اردوگاهلرگه یوباریلگنلر.
