.jpg)
د دغو معترضو معلولانو شمېر چې شاوخوا ۳۳۰ تنو ته رسېد د اعتراض په ډول د پروان ولایت د کارکوونکیو پر مخ د کار او ټولنیزو چارو ریاست دروازه او د احمدشا مسعود جاده د تګ ـ راتګ لهپاره تړلې وه.
دوی د اعتراض په توګه وویل، چې مخکې به یې هر کال ۶۰ زره افغانۍ ورکولې؛ خو سږ کال ۳۰ زره افغانۍ ورکوي، چې دوی ته د منلو نهدي.
په جنګ کې یو ټپي شوی معلول عبدالصمد وايي، چې د کار او ټولنیزو چارو وزارت د نوې پرېکړې لهمخې د ۱۳۸۳ او ۱۳۹۵ لمریز کال تر منځ په قسمي توګه معلول شوي وي؛ نیم حقوق او هغوی چې د وجود ۶۰ سلنه یې معلوله وي؛ بشپړ حقوق ترلاسه کولی شي.
د ده پر وینا، اوس مهال د ټولو معلولانو په حقوقو کې کمښت راغلی دی.
.jpg)
د محمد صبور په نامه یو بل معلول وايي، دوی ادعا کوي، چې یوازې د پروان ولایت د معلولانو حقوقو کې کمی راغلی دی.
د پروان ولایت د کار او ټولنیزو چارو ریاست مسوولان وايي، چې د څېړنو په پایله کې د دې ولایت د معلولو اوسېدونکیو حقوق راکم شوي او ۵۰ سلنه حقوق به ورکړل شي.
د پروان ولایت د کار او ټولنیزو چارو رییس وکیلاحمد سهیل وايي، چې دوی به معترضان د معلولانو د
تثبیت کمېسیون ته معرفي کړي او د معلوماتو نه وروسته به یې د حقوقو په اړه پرېکړه وشي.
تر اوسه په ټول هېواد کې د معلولانو او شهیدانو ۱۴ زره باقيمانده موجود دي، چې هر کال له دولت نه ټاکلې اندازه حقوق ترلاسه کوي.
