کروشیایي الاصله المانې پیټرسرګیټ نن(یک شنبه) په رسمي توګه د یوې خبري غونډې پرمهال د افغانستان فوټبال فدراسیون لخوا د فوټبال ملي لوبډلې مشر روزونکی اعلان شو.
په همدې موخه نن( د نومبر ۸مه) د پیټرسرګیټ او افغان فوټبال فدراسیون د مشر کرام الدین کریم ترمینځ د افغانستان په فوټبال فدراسیون مرکزي دفتر کې یو اوږد مهاله ۵ کلن تړون هم لاسلیک شو.
دیادونې وړ ده چې پیټرسرګیټ به دافغانستان فوټبال ملي لوبډلې سره خپله دنده د ۲۰۱۸ کال فوټبال نړیوال جام سیالیو ته داسیا ټاکنیزسیالیو راتګ پړاو لوبه کې له کمبودیا خلاف پیل کړي.
دافغانستان فوټبال ملي لوبډله همدا نن(یک شنبه) له غرمې وروسته د کمبودیا خلاف سیالۍ له پاره د ایران په لور روانه شوه.
ټاکل شو ې ده دافغانستان او کمبودیا فوټبال ملي لوبډلو ترمینځ دغه سیالۍ د روانې میاشتې په ۱۲ مه نیټه د ایران په پلازمینه تهران کې ترسره شي.
له پیټرسرګیټ سره د تړون لاسلیکولو پرمهال دافغانستان فوټبال فدراسیون مشر کرام الدین کریم، چې د افغانستان فوټبال ملي لوبډلې وروستۍ لاسته راوړنې ورته د سلوان سکلیزیچ په روزنه کې د منلو نه وې او له همدې کبله یې د بل روزونکي دګمارنې پریکړه وکړه.
د ښاغلي کریم په وینا چې دویتمه لري د افغانستان فوټبال ملي لوبډلې ترڅنګ د نوي روزونکي پیټرسرګیټ څخه د افغانستان د کم عمره لوبډلو په روزنه کې هم ګټه واخلي.
دغه راز نوي روزونکي پیټرسرګیټ هم د افغانستان فوټبال ملي فدراسیون سره د روزنې په موخه یوځای کیدو څخه خوښي وښوده.
د نوموړي په وینا چې تمه لري چې دی به افغانانو ته د فوټبال روزنه ورکړي، خو په ځواب کې یې باید ورته دهغه دعلاقې له مخې د افغانستان کلتور او ملي ژبې ور زده کړي.
د نوموړي په وینا چې کابل د فوټبال کور دی او زیاتې اسانتیاوې لري او باید هر تکړه لوبغاړی افغان فوټبال ملي لوبډلې ته د رسیدو په موخه کابل ته راشي او خپله وړتیا وښایي.
دیادونې وړ ده، چې د پخواني ازربایجاني الاصله الماني روزونکي سلوان سکلیزیچ په روزنه کې افغان فوټبال ملي لوبډلې ټولټال ۹ نړیوالې او دوستانه لوبې ترسره کړې چې یواځې کمبودیا ته په ماتې ورکولو بریالۍ شوې وه.
