تورخم‌دن باردی کیلدی قیله دیگن یوک تاشووچی موترلرنینگ هیداووچیلری، مذکور یولدن قتنیدیگنده یول اره‌لیغیده جایلشگن7 پوسته گه پول تولشلرینی ایته‌دلر.
سلام‌وطندار ترماغیگه صحبت بیرگن اوشبو موتر هیداووچیلری، آز مقدارده قانونی روش‌ده مالیه تولیدیلر، لیکن تورخم _ پیشاور اره‌لغیده جایلشگن امنیتی پوسته‌لرنینگ مسووللر زوردن پول آلیشلرینی ایتگنلر.
بو موضوع توغرسیده تاکیدله‌گن خیبر ایجنسی یوک تاشیش بیرلشمه‌سی نینگ مسوولی شاکر افریدیگه کوره، خیبر ایجنسی‌ده هیداووچلردن زوردن پول آلینشیدن علاوه، افغانستانلیک چیگره‌چیلر هم موتر هیداووچلریدن زوردن پول آله‌دی.
افریدی، افغانستان – پاکستان علاقه‌سی تره‌نگ لشگنی هم بو بیرلشمه نینگ ایش وضعیتیگه سلبی تاثیر قالدیرگن لیگینی ایتگن. بو وضعیت ایسه موتر هیداووچیلرینی هم ایریم قیین چیلیکلر بیلن دوچار قیلگنی ایتیله‌دی. اونینگ سوزلریگه قره‌گنده، تورخم عمومی ایشیگیدن کونده 600 – 700 یوک تاشیووچی موترلر ایکّی یوز مینگ افغانی درآمدی قیلردی، اما حاضر ناقانونی پول تولشلری آرتیدن بو درآمدی کوزگه کورینرلی درجه ده کمیگن.
تورخم نریاغیده‌گی حربیلردن بیری موتر هیداووچیلریدن پول آلیش مساله‌لرینی رد قیلگن.
شونینگدیک تورخم نریاغیدگی پوسته‌لردن بیری نینگ مسوولی فضل خان گه کوره، بو توغریده حجت موجود بولگن حالده، ناقانونی پول آله دیگنلر حبسگه آلینیب جزالنه دیلر.
اما، ننگرهار ولایتی والیسی نینگ سوزلاووچیسی عطاالله خوگیانی موضوعنی تصدیقلب ایتیشیچه، امنیتی کوچلر همکارلیگی بیلن ناقانونی پول آله دیگنلردن بعضیلری تورخم بو تامانیده‌گی لردن بیر قنچه‌سی قولگه آلنگن.
اوتگن ییللرده افغانستان – پاکستان اورته‌سیده‌گی تجاری تورلر حجمی 2.5 میلیارد دالر بولگن. بیراق، افغانستان تجارت و صناعت اتاقی نینگ مسووللری، مملکت ملی تاجرلری نینگ پاکستان بازاریگه نسبتن علاقه‌سی کمیگن لیگی سبب بو رقم ایسه 50% پستگه توشگن دیگنلر.
شونینگدیک مسووللر، جاری ییل پاکستان – افغانستان تاجری تورلری نینگ حجمی بیر میلیارد دالرگه ییتمس‌لیگی ممکن دیدیلر.
