پکتیکا ولایتی‌نینگ مدنی جماعه‌چیلیک اعضالری، اوشبو ولایت مرکزی شرنه ده ناراضیلیک نمایش یولگه قوییب «پاکستان یاردم‌لرینی ایستمه‌یمیز» دیب پاکستان تامانیدن افغانستان دولتی‌گه وعده بیریلگن یاردم‌لر رد ایتیلیشی‌نی سوره‌گن‌لر.
بروکسل ییغینده، پاکستان دولتی افغانستان‌گه 500 میلیون دالر یاردم بیریش‌گه وعده بیرگن ایدی.
پکتیکا مدنی فعال‌لری‌نینگ ایتیشیچه، پاکستان، افغانستان‌نینگ حربی و سیاسی ایشلری‌گه اره‌لشیش‌دن قول تارتیشی کیره‌ک.
مهمان قوریلمه‌سی باشلیغی یعقوب‌خان منظورنینگ ایتیشیچه، اولر پاکستان‌دن مالی یاردم‌لر جایی‌ده افغانستان‌گه عصیانچی گروه یوبارمه‌سینی ایسته‌یدیلر و افغانستان اهالیسی اهالیسی تینچلیک و برقرارلیک ایسته‌یدی.
اوشبو ناراضچی‌لر، جمهور رییس غنی‌دن بروکسل ییغینیده پاکستان تامانیدن وعده بیریلگن مالی یاردم‌لرنی رد ایتیشی‌نی سوره‌گن.
بروکسل ییغینی جاری میلادی ییل اکتوبر آیی‌نینگ 4 و 5 ده، 70 مملکت و 20 خلق ارا تشکیلات باشلیغ‌لری حضوریده بلژیک‌ده یولگه قوییلدی. اوشبو ییغینده دنیا جماعه‌چیلیگی، کیله‌جک 4 ییل‌ده افغانستان‌گه 15 میلیارد دالر یاردم بیریش‌گه سوز بیرگن.
