پکتیکا ته له غزني او پکتیا ولایتونو د ورغلیو لویو لارو د ناامنیو زیاتېدو په غبرګون د دې ولایت سلګونو اوسېدونکیو لاریون وکړ.
لاریونوالو وویل، پکتیکا ته غځېدلې لارې تر بل هر وخته زیاتې ناامنه شوي او وسلهوال طالبانو د لارې په اوږدو کې مسافر راښکته کوي او وژني یې.
لاریونوالو د غزني والي او امنیتي چارواکیو پرخلاف شعارونه ورکړل او خبرداری یې ورکړ؛ د لویې لارې په هغو برخو کې چې د غزني اړوند کېږي امنیت یې ټینګ نهکړي؛ پراخ لاریونونه به وکړي.
اخوا د پکتیکا ولایتي اداره هم د لاریونوالو غوښتنې پرځای بولي.
د پکتیکا د والي ویاند محمد ایاز سلاموطندار ته وویل، د دې ستونزې د حل په تړاو ولایتي ادارې د دواړو ولایتونو له چارواکیو سره خبرې کړي دي.
دی وايي، د پکتیکا والي له ولسمشر سره د کتنې پرمهال هم دغه ستونزه شریکه کړې ده او د حل لهپاره یې د جدي اقداماتو خبره کړې.
د ریپوټونو پربنسټ تېرکال هم د پکتیکا غزني لویه لار په اوږدو کې د دې ولایت له ۱۵ زیات ځوانان او قومي مشران د وسلهوالو طالبانو له لوري ووژل شول.
دغهراز تېره ورځ هم د پکتیکا ولایتي شورا غړیو او د مدڼي ټولنو استازو د لویې لارې د امنیت خوندیتوب په پار یې د ښرنې په مرکزي څلورلارې کې د تحصن خېمه درولې وه.
