د خوست ولایت د اسماعیلخېل او مندوزیو اوسېدونکي وايي چې خلکو د هغه کس اور سوځولی چې د یوې کورنۍ د ۷ غړیو پر وژلو تورن دی.
د دوی په وینا، د منګلو قوم په اسماعيلخېل او مندوزیو ولسوالۍ کې د هغه کس کور سوځولی چې د یوې کورنۍ د ۷ غړیو پر وژلو تورن و.
د سیمې اوسېدونکي وايي چې د منګلو قوم د دیګان ولسوالي له اوسېدونکو سره په مشورې د خوستګل د کورنۍ د قاتلانو او د هغه د کاکا ځامنو کورونه چې په دې پېښه کې یې لاس درلود، سوځولي دي.
د خوست د امنیې قومانداني مسوولانو پرون وویل چې ناپېژنده وسلهوالو د دغه ولایت په اسماعیلخېل او مندوزیو ولسوالۍ کې د یوې کورنۍ ۷ غړي وژلي او یو ماشوم یې ټپي کړی دی.
د سیمې اوسېدونکي وايي، د وژل شویو کورنۍ بېوژله وه او د قومي پرېکړې له مخې یې د هغه کس کور سوځولی چې د یادو کسانو پر وژلو تورن و.
د خوست د امنیې قومانداني ویاند عادل حیدر د یادو کورونو د سوځېدو په اړه څه نه وايي، خو زیاتوي چې د پېښې څېړنه یې پیل کړې او د هغه کس د نیولو هڅې هم روانې دي چې د یوې کورنۍ ۷ غړي یې وژلي.
هغه وايي چې دیګان سیمه ناامنه ده او پولیس نه شي کولای ورشي.
