.jpg)
پکتیکا ولایت کینگشی‌نینگ بیرقنچه اعضالری همده مدنی فعال‌لری انگوراده منطقه‌سی‌ده‌گی حربی جهاز ینه پاکستانلیک حربی‌لر تامانیدن اوشبو قرارگاه یقینی‌ده برپا ایتیلگن حربی پوسته منطقه اوچون جدی تهدید حسابلنه‌دی دیگن‌لر.
پاکستانلیک حربی قوشین‌لرگه تیگیشلی اوشبو حربی جهازلر اوتگن کون (شنبه) دیورندی چیزیغی اطرافی‌ده‌گی افغانستان ملی کوچلریگه تاپشیریلگن.
ولایت یشاوچی‌لری، بوندن نیچه آی آلدین مذکور حربی پوسته‌لر پاکستانلیک حربی‌لر تامانیدن دیورند چیزیغی منطقه‌سی‌ده تاسیس ایتیلگن لیگی‌نی ایتگنلر. پکتیکا ولایت کینگشی‌نینگ اعضاسی عزیز عزیز، اوشبو حربی پوسته‌لر خواجه خدر، سویه‌وری و گیت منطقه‌لریده قوریلگن بولگن دیگن.
ولایت کینگشی‌نینگ بو اعضاسی، پکتیکالیک‌لر بو حربی پوسته‌لر بوتونلی افغانستان ملی کوچلریگه تاپشیریلیشی‌نی سوره‌گن لر دیگن.
.jpg)
ایکی ییل آلدین مذکور حربی قرارگاه‌لرده امریکه‌لیک حربی‌لر ییرلشگن. لیکن، اقش حربی‌لری منطقه‌نی ترک قیلیش بیلن بو پوسته‌لر جنگری طالب‌لر اشغالی‌گه اوتگن. اما، اخیرگی وقت‌لرده بو پوسته لرگه پاکستانلیک حربی‌لر حاکم بولگن‌لر.
پکتیکا مدنی فعال‌لریدن محمدالله همت، باشقه منطقه‌لرده هم پاکستانلیک حربی‌لر قرارگه برپا ایتگنلر دیدی.
ولایت کینگشی‌نینگ اورین باسری نمعت‌الله بابری، اوتگن کون یالغوز بو منطقه‌ده بیر عمومی ایشیک ینه ایکّی حربی قراول افغانستانلیک حربی‌لرگه تاپشیریلگن دیگن ایدی. لیکن، بو حربی قراول‌لرنینگ یوز مترلیگی‌ده هنوز هم پاکستانلیک حربی‌لرنینگ پوسته‌سی بارلیگی تیل‌گه آلینه‌دی.
پکتیکا ولایت والی‌سی امین‌الله شارق‌نینگ سلام‌وطندارگه ایتیشیچه، بو باره‌ده مذاکره باشلنگن و تیزلیک‌ده پاکستانلیک حربی‌لر اوشبو قرارگاه‌لرنی ترک قیلییشی کوتیله‌دی. شونینگ‌دیک والی، پاکستانلیک حربی‌لر بو منطقه‌ده ترورچی‌لرنی نابود قیلیش‌دن هم سوز بیرگن‌لر دیگن.
