پکتیا یشاوچیلری و ولایتی کینگش اعضالریدن بیرقطاری، مذکور ولایت‌نینگ حوزه‌یی کسلخانه‌سی ایشلاوچیلری کم‌لیگی‌دن خواطر بیلدیریب ایتیشیچه، اوشبو کسلخانه‌نینگ ایشلاوچیلری و انشاعاتی کوپه‌یتیریلیشی کیره‌ک.
پکتیا ولایت کینگشی اعضاسی حفیظ‌الله مبارزنینگ ایتیشیچه، ساغلیق‌نی سقلش وزیرلیگی تامانیدن پکتیا ولایتی کسلخانه‌سینی حوزه‌یی کسلخانه درجه‌سیگه کوتریش الداوچیلیک‌دن باشقه نرسه ایمس دیر.
مبارز گه کوره، پکتیا ولایتی کسلخانه‌سی‌نینگ یالغیز آتی حوزه‌یی کسلخانه گه اوزگرگن؛ بیراق ساغلیک خذمت‌لری ولایت بوییچه یشاوچیلرگه ارایه ایتیله‌دی.
پکتیاده مدنی فعال مسکا منگل‌نینگ ایتیشیچه، پکتیا ولایتی کسلخانه‌سی‌نینگ تشکیلی ایسکی تشکیلات دیر و بو کسلخانه‌نینگ ایشلاوچیلرینی رقمی کوپه‌یتیریلیشی لازم.
پکتیا ولایتی‌نینگ ساغلیق‌نی سقلش ریاستی باشلیغی ولایت‌خان احمدزی‌نینگ ایتیشیچه، حاضر مذکور کسلخانه ولایت بوییچه خذمت قیله‌دی و کیله‌جک‌ده حوزه‌یی بولیشی اوچون سعی و حرکت قیلینه‌دی.
احمدزی گه کوره، اوشبو کسلخانه‌نی ایریم بولیم‌لری اوستیگه ایش باشلنگن و بو کسلخانه کیله‌جک اوچ آی‌گچه حوزه‌یی کسلخانه بوله‌دی.
افغانستان ساغلیق‌نی سقلش وزیری فیروزالدین فیروز، کمیده 4 آی آلدین، پکتیا ولایتی گه سفر قیلیب و بو ولایت‌نی ولایتی کسلخانه‌سی‌نینگ لوحه‌سینی حوزه‌یی گه اوزگرتیردی؛ بیراق اوشبو کسلخانه‌نینگ ساغلیک خذمت‌لری حاضرگچه ولایت بویلب پکتیکا یشاوچیلریگه ارایه قیلینه‌دی.
