.jpg)
پکتیا ولایتی‌نینگ خوفسیزلیک اداره‌لر مسووللری، طالب‌لر اوتگن کون (دوشنبه) کیچکی وقت‌دن بیری مذکور ولایت میرزکی تومنی اندامِ منطقه‌سینی باغلاوچی آلتی تومن یولی‌نی ترافیک یوزیگه یاپیب قویگن‌لیگینی ایتگن‌لر.
پکتیا پولیس قوماندانلیگی‌نینگ خوفسیزلیک آمری محمدایوب وردک‌نینگ سلام‌وطندار ترماغی‌گه ایتیشیچه، منطقه جنگری طالب‌لردن تازه‌له‌نیشی همده یول ترافیک یوزیگه آچیلیشی اوچون عملیات اوتکزیلگن.
جناب وردک، قوراللی طالب‌لر فرصت‌دن فایده‌له‌نیب یول‌لرگه ماین اورنتگن‌لیکلرینی تیل‌گه آلگن. اونینگ سوزلریگه قره‌گنده، مذکور تومن‌لرنینگ یولی قته‌دن ترافیک یوزیگه آچیلیشی اوچون بار امکانیت‌دن فایده‌له نیله‌دی.
یوقاریده ایسله‌تیلگن تومن‌لر یشاوچی‌لری، ایکّی کوندن بیری بیر منطقه‌دن باشقه منطقه‌گه باره آلمه‌گن لیک‌لریدن شکایت قیلگن‌لر. اهالی یول‌نینگ ایکّی تامانی قوراللی طالب‌لر طرفی‌دن توسیب قویلگن‌لیگی باعث ایکّی تامانده هنوز هم اونلب موتر یول آچیلیشی‌نی کوته‌دی دیگن‌لر.
اما، هنوزگچه قوراللی طالب‌لر بو حقده بیرار نرسه دیمه‌گن.
