.jpg)
پکتیا ولایتی‌نینگ امنیتی رسمیلری ولایت جانی‌خیل تومنی مرکزیده طالبلر بیلن امنیتی کوچلر اورته‌سیده اوروش شدتلنگنیدن خبر بیره‌دی. رسملرگه کوره، بوگون ایرته‌لب طالبلر جانی‌خیل تومنی اوستیگه هجوم قیلگن و تومن‌نینگ کوپلب پوسته‌لرینی ایسه تصرف قیلگنلر.
پکتیا پولیس باشلیغی توریالی عبدیانی‌نینگ سلام‌وطندارگه ایتیشیچه، شو حاضر امنیتی کوچلر و طالبلر اورته‌سیده جانی‌خیل تومنی‌نینگ مرکزیده اوروش جریانی بار و امنیتی کوچلر طالبلر تصرفیگه اوتگن پوسته‌لرنی قیته آلیش مقصدیده سعی و حرکت قیلماقده‌لر.
اما پکتیا ولایتی ولایت کینگشینینگ اعضالری و اهالی جانی‌خیل تومنی طالبلر نظارتیگه اوتگن دیدیلر.
پکتیا ولایتی ولایت کینگشینینگ اعضاسی تاج‌محمد منگل‌نینگ ایتیشیچه، بوگون ایرته‌لب طالبلر جانی‌خیل تومنینی تصرف قیلگن. جناب منگل‌گه کوره، امنیتی کوچلر تومن مرکزیدن تکتیکی آرقه گه چیکینگنلر و حاضرگه قدر 12 طالب اولدیریلگن.
پکتیا ولایتی‌نینگ ولایت کینگش اعضاسی اوروش جریانیده امنیتی کوچلردن بیرته‌سی جان بیرگن و باشقه 7 نفر یره‌لنگن دیگن.
طالبلر سوزلاوچیسی ذبیح‌الله مجاهدنینگ سلام‌وطندارگه پیام یوللب، جانی‌خیل تومنی‌نینگ مرکزی طالبلر تصرفیگه اوتگن و امنیتی کوچلرگه آغیر تلفات ایتکزیلگن‌لیگینی ادعا قیلگن.
