طالبان پکتیا ولایت مرکزی گردیز شهری نینگ دندپتان تومنی گه وصل قیله‌دیگن قتناو یول نی امنیتی کوچلر و دولتی ایشلاوچی‌لرنینگ یوزیگه باغله‌گن.
پکتیا ولایتی نینگ ۶ تومن یشاوچی‌لری کیلیب-کیتیش اوچون مذکور قتناویولدن قوللنه‌دی.
گردیز-دندپتان قتناویولی یشاوچی‌لری و هیداوچی‌لری نینگ ایتیش‌لریچه، ناتینچلیک و مذکور قتناویول باغلنگنی باعث، کوپینچه قیینچیلیک‌لرگه روپه‌رو بولیشگن. اولرگه کوره، بو قتناویول نینگ امنیتی وضعیتی اوتمیش گه قره‌گنده یمان بولگن و ایکی هفته‌دن بویان طالبان اوشبو قتناویول نینگ نیچه بولیمیده موجود دیر.
پکتیا ولایتی نینگ اوشبو یشاوچی‌لری امنیتی کوچلردن گردیز-دندپتان قتناویولی نی طالبان وجودیدن تازه‌لنیشی نی سوره‌گن.
پکتیا ولایتی کینگش اعضاسی تاج‌محمد منگل نینگ ایتیشیچه، طالبان امنیتی کوچلرنینگ مدافعه وضعیتیدن فایده‌لنیب، قطار قتناویوللرده چک پاینت ایجاد قیلیش بیلن اهالی نینگ آزارلنتیره‌دی.
پکتیا محلی مسئوللری طالبان نیچه کوندن بویان مذکور ولایت نینگ ۶ تومن قتناویوللری نی امنیتی کوچلر و دولتی ایشلاوچیلر یوزیگه باغله‌گنی نی تصدیقله‌یدی.
پکتیا حاکمی محمدحلیم فدایی نینگ ایتیشیچه، افغانستان‌لیکلرارا سوزلشوولر باشله‌نیشی گه یخشی نیت کورسه‌تیش اوچون، طالبان گروهی گه قرشی عملیات قیلیش نی ایستمه‌یدیلر.
پکتیا حاکمی نینگ ایتیشیچه، طالبان آمریکا بیلن امضاله‌گن تینچلیک کیلیشوونامه‌سیگه اساس عمل قیلیش‌لری کیره‌ک.
ایتیش کیره‌ک کیم قطرده افغانستان‌لیکلرارا سوزلشوولر باشلنگن بیرحالده، قطار ولایت‌لرده ناتینچلیک کوپه‌یگن و نتیجه‌ده امنیتی کوچلر و طالبان گه آغیر تلفات ییتیشگن.
