په پکتیا کې شاوخوا ۶سوو قوميمشرانو، د ولسي جرګې ځېنو نوماندانو، د ولایتي شورا غړیو او سپينږیرو په یوې غونډې کې د سولې او نظام ملاتړ وکړ او د موقت حکومت جوړېدل یې وغندل.
دغه غونډه ـ چې د پکتيا ژوغونې په نوم شورا جوړه کړېوه ـ ګډونوالو يې د موقت حکومت په اړه خپلې اندېښنې شريکې کړې.
د پکتيا ژغورنې شورا مشر انجنيرتاج ګردېزي وویل، د خلکو د شته ستونزو په اړه به غږ پورته کړي او چاته به اجازه ورنهکړي چې د پکتيا او په ټوله کې د هېواد ګټې تر پوښتنې لاندې راولي.
ده د پکتيا د پوهنې، روغتيا او په ادارو کې د فساد د مخنيوي غوښتنې تر څنګ وويل، يو شمېر کسان د سولې له نومه د ځان په ګټه کار کوي او د بهرنيو کړيو په غوښتنه موقت حکومت غواړي.
د پکتيا د ولايتي شورا غړي محمدرحمان قادري وويل، موقت حکومت يو ځل افغانانو تجربه کړی او بل ځل يې چا ته د جوړيدلو اجازه نهورکوي.
ښاغلي قادري همداراز زیاته کړه، دوی جوړ نظام لري او له يو شمېر سياسي ګوندونو او څېرو یې وغوښتل چې د ګاونډيونو د غوښتنو تمثيل پرېږدي.
په افغانستان کې د ولسمشریزو ټاکنو نوماند محمدحنیف اتمر موقت حکومت ته لومړيتوب ورکوي او له دې سره يو ځای د پاکستان صدراعظم هم ورته خبره کړېوه چې د افغانستان لانجه موقت حکومت حلولی شي چې خلکو يې پر وړاندې په ټولنيزو رسنيو او غونډو کې توندې نيوکې وکړې.
ورته مطالب:
