دې وروستیو کې د بغلان مرکز پلخمري ښار ته ن.دې په امنیتي ځواکونو د طالبان وروستي بریدونه زیات شوي چې دې موضوع د بغلان د ولایتي شورا غړي او مدني فعالان اندېښن کړي.
د بغلان ولایتي شورا غړی بسمالله عطاش وايي، د طالبانو بریدونو په زیاتېدلو سره پُلخمري ښار د دې ډلې تر محاصرې لاندې راغلی او هر وخت پهدغه ښار برید کولی شي.
ښاغلی عطاش زیاتوي چې پُلخمري په یو زندان بدل شوی چې ټول خلک یې د بندیانو په شان دي او لهدې ښاره یو ولایت ته هم سفر نهشي کولی.
د بغلان مدني فعالانو اجتماعي بنسټ مسوول محمد عثمان شېرزی هم وايي، د طالبانو بریدونو په زیاتېدلو سره د بغلان ځايي مسوولین د جګړې د مدیریت وړتیا نهلري او حکومت باید ژر تر ژره طالبان وځپي.
دی پر امنیتي او کشیفي ادارو تور پورې کوي چې کله هم د امنیتي ځواکونو د مرستې لهپاره په سم وخت کې اقدام نهکوي.
د بغلان والي عبدالحی نعمني هم مني چې طالبان د ولایت ودانۍ دوه کیلومترۍ ته رسېدلي او امنیتي کسان په نښه کوي.
خو نوموړی ډاډ ورکوي، چې دوی به ډېر ژر د دې ډلې پر وړاندې پوځي عملیات پیل کړي.
د بغلان ولایتي شورا او مدني ټولنې غړي وايي، سره لهدې چې طالبانو له تېرې یوې میاشتې راهیسې د دغه ولایت په ځېنو برخو بریدونه ډېر کړي؛ خو امنیتي ځواکونه لا هم دفاعي حالت کې دي او هره ورځ قرباني ورکوي.
