د پوهنې وزارت مسوولان چې د یادو کتابونو د چاپ قراردادد یې له یوې خصوصي چاپخونې سره لاسلیک کړ وايي، د یادو دیني کتابونو چاپولو لپاره یې د وزارت د پراختیايي بودیجې ۱۷۲ میلیونه افغانۍ په پام کې نیولې دي.
د پوهنې وزارت سرپرست وزیر میرویس بلخي وايي، د دیني علومو مدرسې شاوخوا ۱۲ میلیون ټوکه کتابونو ته اړتیا لري چې د ۱،۹ میلیونو په چاپ سره به یې څه نا څه ستونزې حل شي او پاتې نور به هم ډېر ژر د اسلامي هېوادونو په مرسته ورته چمتو کړي.
بلخي زیاتوي، یاد کتابونه ۱۰۷ عنوانه چې له اووم تر دوولسم ټولګيو لپاره دي، د افغان لیکوالانو له لوري لیکل شوي دي.
د پوهنې وزارت مسوولان وايي، اوس په ټول هېواد کې د دیني علومو ۱۲۰۰ مدرسې فعالې دي او ۴۰۰ زره زدهکوونکي پهکې زدهکړې کوي.
