غورده‌گی پوزلیچ سوو توغانی‌نینگ اونلب قوریقچیلری ولایتی کینگش اداره‌سی‌نینگ قرشیسی‌ده ییغیلیب اعتراض کورسه‌تیب معاشلری بیریلیشینی طلب قیله‌دیلر. اولرنینگ ایتیشیچه، آلتی آی دن بیری معاش آلمه گنلر و اونینگ یانیده اسلحه – قوراللری و قیش‌نینگ آذوقه اوقاتی و کییم – کیچیکلری قوقلیگی گه دوچ کیلگنلر.
اعتراضچیلردن اسدالله‌نینگ ایتیشیچه، اولر قینچلیکلرینی شرکت مسؤوللری و محلی حکومت بیلن اورته‌گه قویگنلر بیراق هیچ قنده‌ی توجه بولمه‌گن.
شمس الحق آلتی آی دن بیری معاش آلمه گنلردن بیر دیر. او عایله‌سی کته قینچیلیککه قالگنینی اورغولیدی.
اعتراضچیلر پوزلیچ سوو توغانی‌نینگ ایشی قولمه – قول بولگنی اوچون معاشلری بیریلمه‌گنینی ادعا قیله‌دیلر.
جاوید راتب شرکتی‌نینگ مسؤولی عزت‌الله گه کوره٬ قوریقچیلرنینگ معاش لرینی بیریش روس الکترو شرکتی‌نینگ ذمه‌سیگه بولگن. او نینگ ایتشیچه٬ قوریقچیلرنینگ معاشی بیریلمه‌گنی حقیده روس الکترو شرکتی و سوو و برق وزیرلیگی بیلن اورته‌گه قوییلگن.
غور والیسی‌نینگ سوزچیسی عبدالحی خطیبی‌نینگ ایتیشیچه٬ پوزلیچ سوو توغانی‌نینگ قوریقچیلریگه معاش تولنمه‌گنی نینگ یانید ه٬ ایشلرهم جدی شکلده کیتمی تورگن. خطیبی جنابلری‌گه کوره، جاوید راتب شرکتی، قورقچیلر‌نینگ قینچیلیکلرینی حل قلمه گن حالده٬ اعتراضچیلر تیله‌گینی مرکزی حکومت بیلن اورته‌گه قویه‌دیلر.
پوزلیچ سوو توغانی‌نینگ ایشی بوندن کمیده۴ ییل آلدین روس الکترو شرکتی تامانیدن فیروزکوه‌نینگ شرقی‌ده ۱۵مینگ دالر خرجت بیلن باشلندی٬ شرطنامه‌سی‌نینگ قولمه – قول بولیشی سبب٬ توزیلمی قالگن.
