روسیه جمهور رییسی ولادیمیر پوتین نینگ ایتیشیچه، بو مملکت هسته‌یی قورال ذخیره‌سینی ینگی قاره پیما موشک‌لرینی توزه‌تیش بیلن کوپیتیره‌دی.
روسیه جمهور رییسی، مسکو یقینی کوبینکا شهریده بیر کورگزمه آچیلیش چاغیده ایتیشیچه، روسیه میلادی جاری ییل اداغیگچه، 40 دن آرتیق قاره پیما موشک توزه ته‌دی.
پوتین، فنلندلیک هم کسبی سائولی نینستو بیلن اوچره شیب مدافعه اوچون روسیه حقی اوستیگه تاکیدلب ایتیشیچه، روسیه گه تیگیشلی منطقه تهدیدگه دوچ کیلگن صورتده، بو مملکت حربی کوچلرینی او ییرده جایلشتیره‌دی. جناب پوتین‌نینگ اورغولشیچه، قوشنی مملکت‌لردن بیری تامانیدن روسیه تهدید بولسه، روسیه اونگه یخشی صورتده جواب بیریب خطرنی اورته‌دن کوتاره‌دی.
روسیه‌لیک ریانووستی خبرنامه‌سیگه کوره، پوتین، ناتونینگ روسیه چیگره‌لریگه یقین‌لشیش‌گه عیب‌لگن؛ بیراق ایتیشیچه، شونده‌ی تهدیدلر بولگن صورتده هم، حاضرگی کونلرده خواطر اوچون هیچ بیر دلیل یوق دیر. چونکه ناتو کوپینچه سیاسی سیگنال‌لرنی روسیه‌گه یوباره‌دی.
شونینگ‌دیک ریانووستی‌نینگ گزارش بیریشیچه، روسیه مدافعه وزیرلیگی اورین باسری اناتولی انتونوف هم مساله اوچون ناتونی عیب‌لگن.
ناتو قرشی لیگی
ناتو تشکیلاتی نینگ باش کاتبی ینس استولتنبرگ اروپا بیرلیگی کمیسیونی نینگ باشلیغی ژان کلود یونکر بیلن اوچره شیب، روسیه‌نینگ هسته‌یی قورالی کوپه‌ییشی‌گه قرشی لیک بیلدیرگن. «روسیه نینگ اتمی قدرت نمالیگی خطرلی و سبب بوله‌دی». ناتو نینگ باش کاتبی غرب نینگ حربی شرط نامه‌سی نقشی‌گه اشاره قیلیب ایتیشیچه، بیزلر روسیه گه جواب بیره‌میز.
باشقه تاماندن امیریکه قوشمه ایالت‌لری نینگ تشقی ایش‌لر وزیری جان کری هم روسیه نینگ هسته‌یی قورال ریجه‌سی توغریسی‌ده خواطر بیلدیرگن.
روسیه بیلن غرب‌نینگ علاقه‌سی اوکراین شرقی‌ده یوزبیرگن توقنه شوولردن سونگ یمان لشدی. امیریکه بیلن اروپا، روسیه نینگ اوکراین کیلیشماوچی‌لیکلریدن حمایت ایتیش گه عیب‌لیدی. بو ادعالر هردایم روسیه تامانیدن رد ایتیلگن.
اوتکن هفته بیرقطار میدیانی گزارش بیریش‌لریچه، امیریکه آغیر حربی جهازلرینی ناتوگه اعضا بولگن شرقی اروپا مملکت‌لریگه جایلشتیریش‌گه قصد قیلگن. روسیه بو موضوع‌گه قرشی‌لیک کورسه‌تیب ایتیشیچه، بو حربی جهازلرنی جایلشتیریلیشی امیریکه بیلن ناتونینگ ضرری‌گه تمام بوله‌دی.
امیریکه و ناتوگه اعضا مملکت‌لر، اوکراین قره‌مه قرشی‌لیک‌لری و کریمیه ارالی‌نی روسیه‌گه قوشیلگنی‌دن کیین، مذکور مملکت‌نی شرقی اروپا مملکت‌لری گه یقین‌لشی‌دن خواطرلنه‌دی.
