فلسطیننینگ ایرکین تشکیلات رهبری و سوریهده بشار اسد دولتینینگ طرفداری، سمیر قنطار بوگون (یکشنبه) ایرتهلب اسراییل تامانیدن آتیلگن موشک نتیجهسیده هلاک بولدی.
سوریه دولتی میدیالری و لبنان حزبالله دن نقل قیلینگن گزارشلرگه کوره، قنطار دمشق شهری جرامنه منطقهسیده، بیر بنا ییقیلگنی باعث یرهلنگن و اوندن سونگ، کسلخانهده جان بیرگن.
بیرینچیدن اوشبو هجوم قیسی بیر گروه تامانیدن اویوشتیریلگنی بیللی ایمس ایدی و سوریه میدیالری اونی تروریستی هجوم دیگن؛ بیراق سونگ حزباللهنینگ ایتیشیچه، بو هجوم اسراییل تامانیدن ریجهلنگن. شونینگدیک، سوریه دولتیگه وفادار رسمیلردن بیرقطاریگه کوره، احتمال باریچه اوشبو هجوم اسراییل تامانیدن عملگه آشیریلگن.
میلادی 1979- ییل آپریل آییده، سمیر قنطار 16 یاشرلیگیده، ایکی اسراییللیک عسکر و ایکی بالهنی اولدیرگن. او، اسراییل تامانیدن عمر بویی حبسگه آلینگن ایدی؛ بیراق اوشبو مملکتده 29 ییل قماقنی اوتکزگنیدن کیین، میلادی 2008- ییل، اسراییللیک بیر محبوس بیلن المشتیریلیب و بیر قهرمان صفتیده لبنانگه قیتدی.
او، اسراییلگه قرشی «فلسطین ایرکین» ناملی چریکی سازمان تشکیل بیریب و سوریه جمهور رییسی بشار اسدنینگ طرفدارلریدن بیریگه اوزگردی و نتیجهده اسراییلنی اچیغلنتیردی.
