د کندهار د پوهنې ریاست مطبوعاتي مسوول نظرمحمد صمیمي سلام وطندار ته وویل چې ریګستان، غورک او ښوراوک هغه درې ولسوالۍ دي چې ټول ښوونځي یې تړلي دي.
د ده په وینا، د تړل شویو ښوونځیو ډېر یې په همدې ولسوالیو کې دي.
ویل کېږي چې د خلکو نه همکاري، د تشکیل کمښت، په سیمه کې د مسلکي ښوونکیو د شمېر کموالی او ناامني د ښوونځیو تړل کېدو عمده لاملونه دي.
په کندهارکې روڼاندي او عامخلک د دې ښوونځیو په تړل کیدو اندېښنه ښيي او وايي، که حالت همدغه ډول دوام وکړي؛ هر کال زرګونه زدهکوونکي د پوهني له بهیره پاتې کېږي چې پایله به یې نه جبرانېدونکی ناورین وي.
د کندهار د ځوانانو امر حفیظالله پوپل بیا وايي، یوازې د پوهنې وزارت او ریاست پهدې اړه څه نهشي کولی.
ښاغلی پوپل زیاتوي د پوهني وزارت، د کندهار ولایت مقام، قومي مشران، دیني عالمان، عامخلک او په ټوله کې د ټولني هر وګړی باید پهدې اړه ملا وتړي له دې پرته به دا ستونزه په راتلونکي کې د ټول هېواد لهپاره ستر ناورین شي.
د کندهار پوهنتون د ښووني او روزني پوهنځي استاد حیاتالله رفیقي وايي، یوازې د ښوونځیو پرانیستل ګټه نه کوي، بلکي د ښوونځيو ودانۍ، کتابونه، مسلکي ښوونکي او نور تدریسي توکي هم اړین دي.
د ده په وینا، د دې ترڅنګ د ولسوالیو ښوونکیو ته په وخت او فوقالعاده معاش ورکول هم یو مهم ټکی دی.
د دې ښوونځیو د تړل کېدو له امله ۱۰۰زره زدهکوونکي ـ چې ۲۰زره یې نجونې دي ـ له زدهکړو محروم پاتې دي.
په ټوله کې په کندهار کې ټولټال ۳۵۲ فعال دي چې د ۸۵زره نجونو په ګډون ۳۲۰ زره زدهکوونکي لري.
