د ملي یووالي حکومت اجرایوي رییس ډاکټر عبدالله عبدالله نن د وزیرانو شورا په غونډې کې ویلي چې د کابیني په کچ ټول نوي بدلونونه او ګومارنې سیاسي پرېکړې دي.
د ده په خبره، اوسمهال چې ځېنې ګورمارنې کېږي، له سیاسي پرېکړو پرته هېڅ نهدي.
د ښاغلي عبدالله په خبره، د وزیرانو له سلب صلاحیت نه مخکې له هغوی سره د ګوښه کېدو موضوع نه شریکېږي او د نویو کسانو له ګورمارنې هم په خوالو رسنیو کې خبرېږي.
د اجرایوي رییس په وینا، د ولسمشرۍ ټولو نوماندانو ته یو ډول زمینه برابره شوېده او د کمپاین لهپاره باید له دولتي امکاناتو نه ګټنه ونهکړي.
خو د ولسمشرۍ ماڼۍ مرستیال ویاند شاهحسین مرتضوي وايي چې د ولسمشر له لوري ټول شوي اقدامات د اساسي قانون مطابق دي.
تېره اوونۍ د مخابراتو او معلوماتي ټکنالوژۍ وزیر شهزادګل اریوبي او د لوړو زدهکړو وزیر نجیبالله خواجه عمري له دندو ګوښه او پرځای یې فهمیم هاشمي او عبدالتواب بالاکرزی سرپرستان شول.
