د هرات ولایت پولیس پهدې ولایت کې د سلګونو بوشکو کیمیاوي موادو د کشفولو خبره ورکوي. له دې کیمیاوي موادو نه په نشهیي موادو کې ګټنه کېږي.
د هرات د امنیې قوماندانۍ له مخدره موادو سره د مبارزې مدیر حمیدالله نصرتزاده نن په یوې خبري غونډې کې وویل چې دا کیمیاوي مواد له نیم میلیون ډالرو نه ډېر ارزښت لري او له ایرانه د پاکوونکیو موادو په نامه د هرات د اسلامکلا له لارې وارد شويوو چې پولیسو کشف او ضبط کړل.
د ښاغلي نصرتزاده په وینا، دا کیمیاوي موادو یو ډول «اسید اندرایت» دي چې په ۳۵۰ شل لېتره بوشکو کې ځایپرځای شويوو او ټاکل شوېوه چې فراه ته ولېږدول شي.
د ده په خبره، له دې موادو نه په نشهيي توکیو، په ځانګړي ډول هیرویینو کې استفاده کېږي.
د هرات د امنیې قوماندانۍ له مخدره موادو سره د مبارزې مدیر زیاته کړه چې د دې موادو څښتن نیول شوی او پوښتنې ترې کېږي.
