په هرات کې د ښځو حقونو لسګونو ملاتړو، مدني فعالانو او یوشمېر دیني عالمانو، په یوې تمثیلي محکمه کې؛ د ۲۲ کلنې ثریا نومې صحرايي محاکمه کول په کلکه وغندل.
دغه مدني فعالان وايي، صحرايي محاکمه هېڅ ډول قانوني او دیني اړخ نه لري او حکومت باید له ښځو سره د تاوتریخوالي عاملینو پر وړاندې غوڅ چلند وکړي.
دوی په پرېکړه لیک کې له حکومت ته وغوښتل، چې د مېرمنو پر وړاندې د تاوتریخوالي پېښې نه باید بې پروا پرېږدي.
د ثریا د صحرايي محاکمې اصلي عاملان نهدي نیول شوي
شاوخوا یوه نیمه اوونۍ مخکې د تخار په چاهاب ولسوالۍ کې یوشمېر ځايي خلکو د ثریا په نوم یوه ۲۲ کلنه مېرمن په صحرايي محاکمه کې په لښتو، لغتو ووهله او سپکې سپورې یې ورته وویلې.
دې پېښې د هېواد په ګوټ ګوټ کې غبرګونونه راوپارول او بېلابېلو بنسټونو په ځانګړې توګه د ښځو چارو وزارت د دې پېښې د عاملینو نیولو او محاکمې غوښتنه وکړه.
