.jpg)
د هرات محلي چارواکي وايي چې بېګا د گذره، انجیل، زندهجان، غوریان، گلران، کشککهنه، کشک رباطسنگي، پشتونزرغون، کرخ ولسوالیو او د هرات ښار کې سېلاوونه راوتلي دي.
د هرات د والي ویاند جیلاني فرهاد وايي چې له بېګا راهیسې د ملي، اردو، پولیسو، طبیعي پېښو د مخنیوي ریاست، فوایدعامې، هرات امبولانس او ولایت مقام په مرسته د سېلاوونو سیمې ته ورغلي او ډېرې زیانمنې کورنۍ یې ژغورلي او لا هم دا مرستې دوام لري.
د ښاغلي فرهاد په وینا، تراوسه د دې سېلاوونو له امله ۴تنو ژوند له لاسه ورکړیدی.
.jpg)
د ده په خبره، په دې سېلاوونو کې په سلګونو استوګنیځ کورونه، په زرګونو کرنیزه ځمکه، باغونه، پلونه او پلچکونه هم تخریب شويدي.
د هرات د فواید عامې رییس عبدالله حمایت وايي چې د بېګانیو سېلاوونو له امله تر اوسه د هرات ـ اسلامکلا او د هرات ـ تورغونډۍ لویې لارې تړل شوېدي.
دی د ورته نورو سېلاوونو د راتګ وړاندوینه هم کوي او له خلکو غواړي چې په لویو لارو هم تګ ـ تګ ونهکړي.
شاوخوا دوې اوونۍ مخکې هم د هرات ښار او ولسوالیو کې اورښتونو او سېلاوونو د دې ولایت اوسېدونکیو ته درانه ځاني او مالي زیانونه اړولي وو. پهدې سېلاوونو کې نږدې ۱۳تنو خپل ژوند له لاسه ورکړیو.
ورته مطالب:
۱۷ ولایتونو کې سېلاوونو ۲۲ تنه وژلي او ۲۰ یې ټپيان کړي
